நம்ம பயணத்திட்டத்தில் இருக்கும் கோவில்தான். 25 கிமீ தூரம். அரைமணியில் கோவில் கண்ணில் பட்டது. பனிரெண்டேகால் ஆச்சு இப்பவே.... ஒருவேளை கோவில் மூடி இருந்தா......? எப்போ திறப்பாங்கன்னு கேட்டுக்கிட்டு, கடப்பாவில் இருந்து திரும்ப இங்கே வந்தால் ஆச்சு. அதே 25 தானே இடையில்!
சாலையில் வரும்போதே......... ஒற்றை மேடு கோதண்டராமர் கோவில் கண்ணுக்குப் புலப்பட்டது! சட்னு பார்த்தப்ப அந்த கோபுரங்கள் நிக்கும் ஸ்டைல் நம்ம அங்கோர்வாட்டை மனசுக்குள் கொண்டு வந்தது. ( அய்ய.... டூ மச். இப்படித்தான் சம்பந்தம் இல்லைன்னாலும் சில நினைவுகள் வந்து நிற்கும் மனசு.... )
வொன்ட்டிமிட்டா என்னும் பெயருக்கேத்தபடி ஒரு ஒற்றை மேடு (குன்று?). கோவில் முகப்புக்கு வந்தால்தான் மேட்டுலே கோவில் இருக்குன்னு தெரியும்.ஒரு முப்பது படிகள் ஏறிப்போகணும். நல்ல விசாலமான நீண்ட படிகள்.
ராஜகோபுரம் அஞ்சடுக்குதான். 165 அடி உயரமாம். Tavarniyar என்ற ப்ரெஞ்சுப் பயணி ஒருவர் இங்கே 1652 AD ஆண்டு வந்து போனவர் கோபுரத்தின் அழகையும், கோவில் சிற்பங்களின் அழகையும் ரொம்பபே சிலாகிச்சு எழுதி இருக்காராம். மேட்டின்மேல் இருப்பதால் ரொம்ப உசரமாத் தெரியுது. இந்தப் பக்கங்களில் நாம் ராஜகோபுரம் என்று சொல்வதை காலி கோபுரம் என்று சொல்றாங்க. அதுவும் ஒருவிதத்தில் சரிதான். கோபுரவாசலில் எப்பவும் காத்து அட்டகாசமா இருக்குமே... அதேதான்! காலி Gali = காற்று (தெலுகு மொழியில்)
பலிபீடமும் கொடிமரமும் கண்ணெதிரில். அதைத்தாண்டி ஒரு பெரிய மண்டபம். 32 தூண்கள். ஒவ்வொன்னிலும் சிற்பக்கூட்டங்கள்! இந்த முன்மண்டபத்துக்குள் போக இடமும் வலமும் படிக்கட்டுகள் இருக்கு. படிகளுக்கு எதிர்த்தாப்போல கோபுரம் உள்ள வாசல்கள். கிழக்கு, வடக்கு தெற்குன்னு மொத்தம் மூணு கோபுரங்கள் இந்தக் கோவிலில். எல்லாமே அஞ்சு நிலைகள்தான்!
முன்மண்டபத்துக்கு இங்கே ரங்கமண்டபம்னு பெயர். மூலைத்தூண்கள் எல்லாம் மூணு பக்கத்தூண்களா இருக்கு! ஒரிஜினல் அழகை ரசிக்க முடியாமல் ரெண்டுபக்கங்களிலும் சின்ன சந்நிதிபோல காங்க்ரீட் லே கட்டி வச்சுருக்காங்க. யாருடைய ஐடியான்னு தெரியலை :-( ஆனால் நல்ல வேளையா ரொம்ப அசிங்கமாக் கட்டாமல் ரொம்ப சுமாரா இருக்கு.
மண்டபத்துக்குள்ளேயே சின்ன மண்டபமா டிசைன் செஞ்சு அங்கேயும் மூணுபக்கத் தூண்கள் நாலு இருக்கு. இது மத்யரங்க மண்டபமாம். ஒவ்வொரு தூணுமே நாலுஅடுக்கு சிற்பங்கள்! இதைத்தவிர சாதாரண சதுரத்தூண்களில் அடுக்கடுக்காச் சிற்பங்கள். தசாவதாரங்களும், அப்சரஸ்களும், ரிஷிமுனிவர்களும், ஆச்சார்யர்களுமா எதைச் சொல்ல எதை விட?
கல்லில் செதுக்கிய கருடனும், ஆலிலைக் கிருஷ்ணனும்.......... அள்ளிக்கிட்டுப் போகுது!
மண்டபத்தின் மேற்குப்பக்கம் கருவறை. உள்ளே லைஃப் ஸைஸில் ராம, லக்ஷ்மண, சீதா! தனித்தனி சிலைகளா இல்லாமலொரு பெரிய கல்லில் மூணுபேரையும் வடிச்சுருக்காங்க. இதனாலேயே இந்த ஊருக்கு ஏகசிலா நகரம் என்ற பெயர் ! (ஏக சிலா = ஒரே கல்)
சுட்டபடம்: நன்றி கூகுளாண்டவரே!
ஸ்ரீராமர், இடது கையில் கோதண்டம் என்னும் வில் ஏந்தி, வலது கையில் ராமபாணம் வச்சுக்கிட்டுக் கம்பீரமா நிக்கறார். அதனால் கோதண்டராமர்! கோவிலுக்கும் ஸ்ரீ கோதண்டராமர் ஆலயம் என்றே பெயர்!
வனவாசம் தொடங்கி இந்தப் பக்கங்களில் வந்துருந்த சமயம் அது என்பதால் இங்கே நம்ம ஆஞ்சி கிடையாது. அனுமனை அப்போ மீட் பண்ணலை பாருங்க. ஆனால் ஒன்னு, ஆஞ்சி இங்கே இருந்துருந்தால் சீதை இருந்துருக்க முடியாதுதானே? வனவாசம் ஸீன் இல்லையோ!!
சந்நிதின்னு இல்லையே தவிர சிற்பங்களில் ஆஞ்சி நிறைய இடத்தில் இருக்கார்!
கருவறையில் நிற்கும் மூவரின் முகபாவம், அழகு எல்லாம் சுமார்தான். திருத்தமான மூக்கும் முழியுமா இல்லை. இதுலே ஏகப்பட்ட பூ அலங்காரம் இருப்பதால் உத்துப் பார்த்தாலும் ரொம்ப அழகுன்னு சொல்லிக்கமுடியலை. போகட்டும். சாமியை சாமியாப் பார்த்துக் கும்பிட்டுக்காம இது என்ன ஆராய்ச்சின்னு மனசைத் திட்ட வேண்டியதாப் போச்சு.
அப்புறம் கிடைச்ச விவரம் கோவில் மூலவரைச் செஞ்சு இங்கே பிரதிஷ்டை செஞ்சவர் ஜாம்பவானாம்! ராமாயணகாலத்தில் இருந்தவர். ராமரை நேரில் கண்டவர் என்றாலும்.... கரடி கையால் செதுக்க முடிஞ்சது இவ்ளோதான்னு நினைச்சுக்க வேண்டியதுதான்.
இந்த ஊரை ஒன்ட்டிமிட்டா, வொன்ட்டிமிட்டா இப்படியெல்லாம் இப்போ சொல்றாங்க. இங்லிஷில் எழுதும்போது இது Vontimitta .
உள்ளூர் கதை ஒன்னில்.... வொன்ட்டோடு, மிட்டோடுன்னு ரெண்டு நண்பர்கள். வேலைன்னு பெருசா ஒன்னுமில்லை திருட்டுத் தொழில்தான். இந்தப்பக்கம் போற மக்களிடம் கொள்ளை அடிப்பாங்க. ஒரு சமயம் ராமனும் லக்ஷ்மணனும் இந்தப்பக்கம் வந்தப்போ, அவுங்ககிட்டே கைவரிசையைக் காமிக்கப்போய், ராம தரிசனம் கிடைச்சுருக்கு! கடைசியில் மனம் திருந்தி இந்தக் கோவிலைக் கட்டுனாங்கன்னு சொல்றாங்க. அதானே வனவாசத்தில் காட்டில் அலையும் போது நகையும் நட்டுமாவா போட்டுருப்பாங்க? வெறும் மரவுரிதாரிகள் இல்லையோ? அது இருக்கட்டும்........... கோவிலோட பிரமாண்டத்தையும் கலை அழகையும் பார்க்கும்போது ஜேப்படித் திருடனுங்க கட்டுன மாதிரியா இருக்கு?
கட்டட அமைப்பைப் பார்த்தால் முதலில் கோவிலைக் கட்ட ஆரம்பிச்சவங்க சோழர்கள் என்றும், பிற்பாடு அதை முடிச்சு வச்சவங்க விஜயநகர அரசர்கள் என்றும் கல்வெட்டு சொல்லுது. கோவிலைக் கட்டுனது மட்டுமில்லாமல் கோவில் செலவுகளுக்காக ஏராளமான நிலங்களையும் கிராமங்களையும் அரசர்கள் சாஸனம் செஞ்சுருக்காங்க. கோவிலுக்குள் சில கல்வெட்டுகள் இருக்குன்னாலும் கல்வெட்டு மொழி நமக்குத் தெரியணுமே :-(
தொல்லியல் துறையின் கீழ் இப்போ கோவில் இருப்பதால் காலை 6 முதல் மாலை 8 வரை திறந்தே வச்சுருக்காங்க. வெளியே பிரகாரம் நல்லா சுத்தமாத்தான் இருக்கு. கோவிலுக்கு வயசு ஆயிரத்துக்கு மேலே இருக்கணும்!
அந்நியர் படையெடுப்பு இங்கே இருந்துச்சான்னு தெரியலை. நிறைய சிலைகள் உடைக்கப்பட்டு இருக்கு. நம்ம மக்களும் குறைஞ்சவங்க இல்லை தானே? அதிலும் பெண்கள் சிலைன்னா..... ப்ச். புறநானூறு வீரத்தாய்களா ஆக்கிவச்சுருக்காங்க :-(
வெளியே பிரகாரம் சுத்தப் போனோம். அரளிச் செடிகள்தான் அங்கங்கே. நடுவில் இருக்கும் கருவறை, முன்மண்டபத்தைச் சுத்தி கம்பித்தடுப்பு போட்டு வச்சுருக்காங்க.
உற்சவர் பிரகாரம் சுத்திவர பாடாவதியா ஒரு சப்பரம். இவ்வளோ அழகான கோவிலுக்குத் திருஷ்டி பரிகாரம்.
ப்ரகாரத்தின் தென்மேற்கு, வடகிழக்குக் கோடியில் பக்கத்துக்கொன்னா ரெண்டு கல்மண்டபங்கள்.
முதல்மண்டபத்தின் நாலு தூண்களிலும் வேலைப்பாடும் சிற்பங்களும்...... ஹைய்யோ!!! ஒவ்வொரு தூணுக்கும் நாலு பக்கங்களிலுமா பதினாறு பக்க அற்புதம்! ஒரு தூணில் மூணு அடுக்குகளாச் சிற்பங்கள்.
கோமாளி ஒருத்தன் ஒளிஞ்சு விளையாடறான். எங்கேன்னு அவனைத் தேட?
வடக்கு கோபுரவாசலுக்குப் பக்கம் ஸ்ரீராமலிங்கேஸ்வர ஸ்வாமி இருக்கார். பெரிய கருங்கல் ஆவுடையாரில் சின்ன வெண்பளிங்கு லிங்கம்.
தென்கிழக்கு மண்டபத்தில் தூண்கள் விரிசல்விட்டு இருக்கு :-( தொட்டடுத்து ஒரு நாகர் சந்நிதி. இதுலே விஷ்ணுபாதம் இருப்பதா ஐதீகம். அடடா.... காலைச் சுத்துன பாம்போ? பிள்ளை வரத்துக்கு இங்கே வேண்டிக்கலாம்.
கிழக்கு கோபுரத்து உள்பக்கத்தில் அப்படி ஒரு சிற்பங்கள்! நவரசம் காண்பிக்கும் வட்ட முகங்கள். கீழே போர்க் காட்சிகள்! கூட்டமாக இருக்கும் சிற்பங்களில் ராமன் லக்ஷ்மணன் சீதை இருப்பதைக் கண்டுபிடிக்க நமக்கு சிரமம் வைக்காமல், அங்கு மட்டும் குங்குமம் தீற்றி வச்சுருக்கு சனம்.
இதையெல்லாம் க்ளிக்கினதும் கோபுரத்தை அண்ணாந்து பார்த்தால்..... அங்கே எல்லாம் சுதைச் சிற்பங்கள். ஏறக்கொறைய பாதி அளவுக்குப் பாதி சிதைஞ்சு போய் இருக்கு. தலைகளைக் காணோம்! ஒரு சில சிலைகளைச் செஞ்ச சிற்பியின் வக்ரபுத்தி வேதனையைக் கொடுத்தது என்றாலும், கோபுரத்தை சீர் செய்யும் காலம் வரும்போது, இதையே திரும்பப் புதுப்பிக்காது இருக்க அந்த சீதை அருள்புரிய வேணும்.
முகமண்டபத்திலும் ரொம்பமேலே விதானத்துக்கு அருகில் ஒரு சில பாலியல் சிற்பங்கள் இருந்தாலும், அவை சட்னு கண்ணுக்குப் புலப்படாமல்தான் இருக்கு. அளவில் சின்ன சிற்பங்கள் தான் அவை. அப்ப உனக்கு மட்டும் எப்படிக் கண்ணுலே பட்டதுன்னு கேக்காதீங்க. வேறு சில சிற்ப வரிசைகளுக்காக் அந்தப் பக்கம் என் கேமெராக் கண்ணை அனுப்பினபோது பட்டவைதான்.
கோவிலை எத்தனை சுத்து சுத்தினால் என்ன பலன்னு எழுதிப் போட்டுருக்காங்களா என்ன? வாசிக்கத்தெரிந்தவர்கள் சொன்னால் நல்லது. ரொம்பக் கஷ்டப்பட்டு ஓம் நமோ நாராயணாய ன்னு ஒரு வரி 'கண்டுபிடிச்சேன்' :-)
காலி கோபுரவாசலைக் கடந்து வரும்போதும் வரிவரியா, அடுக்கடுக்கா சிற்பங்களோ சிற்பங்கள்.
வாசலில் கோவில் புத்தகங்கள் விற்பனைக்கு வச்சுருக்கும் நபரிடம், ஸ்தலபுராணம் இங்லிஷில் இருக்கான்னு விசாரிச்சால்.... தெலுகுவில் மட்டும்தான் இருக்காம். போகட்டும் அதுலே படங்களாவது இருக்கான்னு பார்த்தால் த்ராபையா சில படங்கள். இதுக்கு நாம் எடுத்தவைகளே மேல் இல்லையோ?
சும்மாச் சொல்லக்கூடாது கோவில் கதவில் தசாவதாரம் சிற்பங்களோடு ஹயக்ரீவர், ஹனுமன், காளிங்கன் தலையில் கால் வைத்திருக்கும் கண்ணன் இப்படி மரத்தில் செஞ்சவைகள் பிரமாதம்!
பெரிய திருவடியின் சிறகுகளைப் பாருங்க. இதே டிசைன் உள்ளே கல்லிலும் இருக்கே!
இன்னும் கொஞ்சநேரம் சிற்பங்களை ரசிக்க எண்ணம் இருந்தாலும், நமக்கு நேரம் இருக்கணுமே:-( மேல்படிகளில் நின்னு பார்த்தால் எதிரில் ஒரு அனுமன் கோவில். ராமர் இருக்குமிடத்தில் அனுமன் இல்லாத குறையைத் தீர்க்கன்னே சமீபகாலங்களில் கட்டுனது. இவர் பெயர் சஞ்ஜீவராயா! இவருக்குன்னு ஒரு நல்ல தேர் கூட இருக்கு! கிழக்கே பார்க்கும் ராமனும் மேற்கே பார்க்கும் அனுமனுமா இருக்காங்க.
ஸ்ரீ கோதண்டராமர் கோவிலில் ஸ்ரீராமநவமி ரொம்பவே விசேஷமாம். அன்றைக்கு மட்டும் சுமார் ரெண்டு லட்சம் பக்தர்கள் தரிசனத்துக்கு வர்றாங்களாம். அவ்ளோ பேருக்கும் 'மற்ற வசதி'களுக்கான ஏற்பாடு நல்லமுறையில் செஞ்சுருக்கணுமே ராமான்னு இருந்தது!
சில கோவில்களில் மூலவரைக் கண்டு மனம் உருகி நிற்பது போல் இங்கே மனசு லயிக்கலைதான். ஊஹூம்... பக்தி போதாது...... ஆனாலும் கோவிலின் தூண்களையும் சிற்பங்களையும் கண்டு ரசிக்க இன்னொருக்கா வந்தால் கொள்ளாமுன்னுகூடத் தோணுச்சு!
நேரே கோவிலுக்குள் போய் வந்தோமே தவிர கோவிலின் வெளிப்ரகாரத்துக்குப் போகவே இல்லை :-( பேஸ்மெண்ட்க்குப் போக, தெற்கு வாசலில் இறங்கிப்போய் பார்த்திருக்கலாம்..... ப்ச்.
ரொம்ப அழகான பகுதியை இப்படிக் கோட்டை விட்டுருக்கோமே...........
என்ன கோவில்டா ராமா..........
PINகுறிப்பு: எடுத்த படங்களின் ஆல்பமொன்னு இங்கே! விருப்பம் இருந்தால் எட்டிப் பாருங்க.
தொடரும்..... :-)
ராஜகோபுரம் அஞ்சடுக்குதான். 165 அடி உயரமாம். Tavarniyar என்ற ப்ரெஞ்சுப் பயணி ஒருவர் இங்கே 1652 AD ஆண்டு வந்து போனவர் கோபுரத்தின் அழகையும், கோவில் சிற்பங்களின் அழகையும் ரொம்பபே சிலாகிச்சு எழுதி இருக்காராம். மேட்டின்மேல் இருப்பதால் ரொம்ப உசரமாத் தெரியுது. இந்தப் பக்கங்களில் நாம் ராஜகோபுரம் என்று சொல்வதை காலி கோபுரம் என்று சொல்றாங்க. அதுவும் ஒருவிதத்தில் சரிதான். கோபுரவாசலில் எப்பவும் காத்து அட்டகாசமா இருக்குமே... அதேதான்! காலி Gali = காற்று (தெலுகு மொழியில்)
கல்லில் செதுக்கிய கருடனும், ஆலிலைக் கிருஷ்ணனும்.......... அள்ளிக்கிட்டுப் போகுது!
ஸ்ரீராமர், இடது கையில் கோதண்டம் என்னும் வில் ஏந்தி, வலது கையில் ராமபாணம் வச்சுக்கிட்டுக் கம்பீரமா நிக்கறார். அதனால் கோதண்டராமர்! கோவிலுக்கும் ஸ்ரீ கோதண்டராமர் ஆலயம் என்றே பெயர்!
வனவாசம் தொடங்கி இந்தப் பக்கங்களில் வந்துருந்த சமயம் அது என்பதால் இங்கே நம்ம ஆஞ்சி கிடையாது. அனுமனை அப்போ மீட் பண்ணலை பாருங்க. ஆனால் ஒன்னு, ஆஞ்சி இங்கே இருந்துருந்தால் சீதை இருந்துருக்க முடியாதுதானே? வனவாசம் ஸீன் இல்லையோ!!
சந்நிதின்னு இல்லையே தவிர சிற்பங்களில் ஆஞ்சி நிறைய இடத்தில் இருக்கார்!
அப்புறம் கிடைச்ச விவரம் கோவில் மூலவரைச் செஞ்சு இங்கே பிரதிஷ்டை செஞ்சவர் ஜாம்பவானாம்! ராமாயணகாலத்தில் இருந்தவர். ராமரை நேரில் கண்டவர் என்றாலும்.... கரடி கையால் செதுக்க முடிஞ்சது இவ்ளோதான்னு நினைச்சுக்க வேண்டியதுதான்.
இந்த ஊரை ஒன்ட்டிமிட்டா, வொன்ட்டிமிட்டா இப்படியெல்லாம் இப்போ சொல்றாங்க. இங்லிஷில் எழுதும்போது இது Vontimitta .
உள்ளூர் கதை ஒன்னில்.... வொன்ட்டோடு, மிட்டோடுன்னு ரெண்டு நண்பர்கள். வேலைன்னு பெருசா ஒன்னுமில்லை திருட்டுத் தொழில்தான். இந்தப்பக்கம் போற மக்களிடம் கொள்ளை அடிப்பாங்க. ஒரு சமயம் ராமனும் லக்ஷ்மணனும் இந்தப்பக்கம் வந்தப்போ, அவுங்ககிட்டே கைவரிசையைக் காமிக்கப்போய், ராம தரிசனம் கிடைச்சுருக்கு! கடைசியில் மனம் திருந்தி இந்தக் கோவிலைக் கட்டுனாங்கன்னு சொல்றாங்க. அதானே வனவாசத்தில் காட்டில் அலையும் போது நகையும் நட்டுமாவா போட்டுருப்பாங்க? வெறும் மரவுரிதாரிகள் இல்லையோ? அது இருக்கட்டும்........... கோவிலோட பிரமாண்டத்தையும் கலை அழகையும் பார்க்கும்போது ஜேப்படித் திருடனுங்க கட்டுன மாதிரியா இருக்கு?
அந்நியர் படையெடுப்பு இங்கே இருந்துச்சான்னு தெரியலை. நிறைய சிலைகள் உடைக்கப்பட்டு இருக்கு. நம்ம மக்களும் குறைஞ்சவங்க இல்லை தானே? அதிலும் பெண்கள் சிலைன்னா..... ப்ச். புறநானூறு வீரத்தாய்களா ஆக்கிவச்சுருக்காங்க :-(
ப்ரகாரத்தின் தென்மேற்கு, வடகிழக்குக் கோடியில் பக்கத்துக்கொன்னா ரெண்டு கல்மண்டபங்கள்.
முதல்மண்டபத்தின் நாலு தூண்களிலும் வேலைப்பாடும் சிற்பங்களும்...... ஹைய்யோ!!! ஒவ்வொரு தூணுக்கும் நாலு பக்கங்களிலுமா பதினாறு பக்க அற்புதம்! ஒரு தூணில் மூணு அடுக்குகளாச் சிற்பங்கள்.
கிழக்கு கோபுரத்து உள்பக்கத்தில் அப்படி ஒரு சிற்பங்கள்! நவரசம் காண்பிக்கும் வட்ட முகங்கள். கீழே போர்க் காட்சிகள்! கூட்டமாக இருக்கும் சிற்பங்களில் ராமன் லக்ஷ்மணன் சீதை இருப்பதைக் கண்டுபிடிக்க நமக்கு சிரமம் வைக்காமல், அங்கு மட்டும் குங்குமம் தீற்றி வச்சுருக்கு சனம்.
முகமண்டபத்திலும் ரொம்பமேலே விதானத்துக்கு அருகில் ஒரு சில பாலியல் சிற்பங்கள் இருந்தாலும், அவை சட்னு கண்ணுக்குப் புலப்படாமல்தான் இருக்கு. அளவில் சின்ன சிற்பங்கள் தான் அவை. அப்ப உனக்கு மட்டும் எப்படிக் கண்ணுலே பட்டதுன்னு கேக்காதீங்க. வேறு சில சிற்ப வரிசைகளுக்காக் அந்தப் பக்கம் என் கேமெராக் கண்ணை அனுப்பினபோது பட்டவைதான்.
கோவிலை எத்தனை சுத்து சுத்தினால் என்ன பலன்னு எழுதிப் போட்டுருக்காங்களா என்ன? வாசிக்கத்தெரிந்தவர்கள் சொன்னால் நல்லது. ரொம்பக் கஷ்டப்பட்டு ஓம் நமோ நாராயணாய ன்னு ஒரு வரி 'கண்டுபிடிச்சேன்' :-)
காலி கோபுரவாசலைக் கடந்து வரும்போதும் வரிவரியா, அடுக்கடுக்கா சிற்பங்களோ சிற்பங்கள்.
சும்மாச் சொல்லக்கூடாது கோவில் கதவில் தசாவதாரம் சிற்பங்களோடு ஹயக்ரீவர், ஹனுமன், காளிங்கன் தலையில் கால் வைத்திருக்கும் கண்ணன் இப்படி மரத்தில் செஞ்சவைகள் பிரமாதம்!
பெரிய திருவடியின் சிறகுகளைப் பாருங்க. இதே டிசைன் உள்ளே கல்லிலும் இருக்கே!
இன்னும் கொஞ்சநேரம் சிற்பங்களை ரசிக்க எண்ணம் இருந்தாலும், நமக்கு நேரம் இருக்கணுமே:-( மேல்படிகளில் நின்னு பார்த்தால் எதிரில் ஒரு அனுமன் கோவில். ராமர் இருக்குமிடத்தில் அனுமன் இல்லாத குறையைத் தீர்க்கன்னே சமீபகாலங்களில் கட்டுனது. இவர் பெயர் சஞ்ஜீவராயா! இவருக்குன்னு ஒரு நல்ல தேர் கூட இருக்கு! கிழக்கே பார்க்கும் ராமனும் மேற்கே பார்க்கும் அனுமனுமா இருக்காங்க.
நேரே கோவிலுக்குள் போய் வந்தோமே தவிர கோவிலின் வெளிப்ரகாரத்துக்குப் போகவே இல்லை :-( பேஸ்மெண்ட்க்குப் போக, தெற்கு வாசலில் இறங்கிப்போய் பார்த்திருக்கலாம்..... ப்ச்.
என்ன கோவில்டா ராமா..........
PINகுறிப்பு: எடுத்த படங்களின் ஆல்பமொன்னு இங்கே! விருப்பம் இருந்தால் எட்டிப் பாருங்க.
தொடரும்..... :-)
