நல்லவேளை...தமிழ்நாட்டில் பிறந்தீங்க...........

இல்லேன்னா ஆறு புடவை, ஆறு சல்வார்செட்ன்னு புதுத் துணிகள் அதுக்கேற்ற ஆக்சஸரீஸ்ன்னு பர்ஸ் பழுத்துருக்கும். இங்கே சண்டிகரில் உள்ளூர் தினசரியை கையிலே எடுத்தாவே..... முதல் பக்கம் ஒரே ஒரு விளம்பரம். அது மட்டும்தான். ஒரு முழுப்பக்கத்துக்கு ஒரே ஒரு விளம்பரம். வெயிட்டான சமாச்சாரம். கழுத்து, காது, கைன்னு பெரிய பெரிய நகைகள் . பூராவும் வைரமோ வைரம். பத்திரிகையை உள்ளே திறந்தாலும் முழுசு முழுசா இதுபோல ஒரு நாலைஞ்சு நகைக்கடை விளம்பரம். தந்தேரஸ் வருது வருது வந்துக்கிட்டு இருக்கு.....வாங்குங்க வாங்குங்க வாங்கிக்கிட்டே........ இருங்க.


இந்தப் பக்கத்துலே தீபாவளிப் பண்டிகை ஆறுநாள் விழா(வாம்). ஐப்பசி மாசம் கிருஷ்ண பட்சத்துலே சரியாப் பனிரெண்டாம் நாள் துவாதசி வருது பாருங்க. அன்னிக்குத்தான் விழா ஆரம்பம். முதல்நாள் முதலில் கோ பூஜை. அன்னிக்கு சொந்தமா வீட்டு மாடு இல்லாதவங்க கூட அட்லீஸ்ட் தெருவில் மேயும் பசுமாட்டுக்கு ஒரு பழமாவது ஊட்டிவிடுறாங்க. கோவில் பக்கம் சுத்திக்கிட்டு இருக்கும் பசுக்களும் கன்னுகளும் இதைத் தெரிஞ்சு வச்சுக்கிட்டு அங்கேயே அன்னிக்குப் பூராவும் வட்டம் போடுதுங்க.

ஆஹா..... இதுதானே நம்ம பக்கத்து மாட்டுப்பொங்கல்!

மறுநாள் திரயோதசிதான் இந்த தன் தேரஸ். Dhan = தனம். தனத்துக்கு அதிபதியான மஹாலக்ஷ்மியைக் கும்பிட்டு நம்மைவிட ஏழ்மையில் இருக்கும் மக்களுக்கு நம்மால் ஆன பொருளுதவியைச் செய்யணுமுன்னு சமூக நோக்கோட ஆரம்பிச்ச பண்டிகை. இன்னிக்கு அது வைர நெக்லேஸில் வந்து நிக்குது. வீட்டிலிருக்கும் ஏழைத் தங்க்ஸுக்கு வாங்கித் தந்தே ஆகணும் இந்த ரங்ஸுகள்.

இது நம்மூர் அக்ஷ்யத் திருதியைதானே?

திருப்பாற்கடலை தேவர்களும் அசுரர்களுமா சேர்ந்து கடைஞ்சப்ப அதில் தோன்றிய பதினான்கு செல்வங்களில் Dhan Dhanன்னு தன்வந்திரி என்ற தேவலோக டாக்குட்டர் தோன்றினார். நம்ம மகாலக்ஷ்மியும் பாற்கடல் கடைஞ்சப்பப் தோன்றினவங்கதான். நம்ம அமைதிச்சாரல் அழகா கதையோடு பதிவு ஒன்னு போட்டிருக்காங்க. இங்கே பாருங்க.


மூணாம் நாளான சதுர்த்தசிக்கு மூணு வகையான முக்கியத்துவம். ராமர் காலத்துலே வனவாசம் முடிஞ்சு நாட்டுக்குத் திரும்பின நாள். அதான் அவருக்கு வழி காட்டணுமேன்னு தீபங்களை வரிசையா வச்சு ஒளி ஏற்படுத்தினாங்களாம்.

கிருஷ்ணர் காலத்துலே இந்த நாளில் நடந்தது நரகாசுர வதம். இங்கேயும் அவன் செத்தநாளைத்தான் கொண்டாடுறாங்க.

ஆக ரெண்டு யுகங்களுக்கும் இந்த நாள் பொது.

அமுதம் வேண்டி திருப்பாற்கடலைக் கடைஞ்சபோது தன்வந்த்ரி பகவான் தோன்றிய நாளும் இதுதான்.

இது இல்லாம சமணர்களின் தீர்த்தங்கரர் மஹாவீரர் நிர்வாணம் என்ற மோக்ஷத்தை அடைஞ்ச நாளும் இந்த சதுர்த்தசி தினம்தான்.

சீக்கியர்களுக்கும் இது அவுங்க மதம் சம்பந்திச்ச விசேஷமான நாள். அவுங்க ஆறாவது குரு ஹர்கோபிந்த் ஜியை முகலாய மன்னர் ஜஹாங்கீர் குவாலியர் கோட்டை ஜெயிலில் அடைச்சு வச்சுருந்தார். அங்கே கைதிகளா பல்வேறு சமஸ்தானத்தைச் சேர்ந்த 52 இந்து இளவரசர்களும் இருந்துருக்காங்க. குருவை வெளியிலே விடணுமுன்னு மக்கள் எல்லோரும் விண்ணப்பிக்க மன்னர் ஜஹாங்கீர் சரின்னுட்டார். அப்ப குரு ஜி, அந்த இளவரசர்களையும் வெளியில் விடணுமுன்னு கேட்டுக்கிட்டார். கொஞ்சம் யோசனை செஞ்ச மன்னர், உங்க அங்கி முனையைப் பிடிச்சுக்கிட்டு இருக்கும் இளவரசனை விட்டுடறேன்னார். நம்ம குரு ஜி என்ன செஞ்சாருன்னா........ அவருடைய அங்கியில் 52 குஞ்சலங்களைத் தைச்சு ஒவ்வொன்னையும் ஒருத்தர் பிடிச்சுக்கச்சொல்லி எல்லோரையும் தன்கூடவே வெளியில் கொண்டு வந்துட்டார்.

அந்த நாள் இந்த நாளாம்! இது நடந்து 319 வருசம் ஆச்சு.
அதனால் அம்ரித்ஸர் பொற்கோவிலில் ஏராளமான தீபங்களை ஏற்றி இந்த நாளைக் கொண்டாடுறாங்க. Bandi Chorr Devas என்று பெயர். சம்பவம் நடந்தது 1619 லே.

இதே பொற்கோவில் சம்பந்தப்பட்ட இன்னொரு சம்பவம் Bhai Mani Singh ஜி 1708 முதல் பொற்கோவிலில் குருகிரந்த் சாஹிப் ஓதும் சேவையில் இருந்தார். 1737 வது வருசம் மொகலாயர்களின் பிரதிநிதியாக பஞ்சாப் மாநில கவர்னராக இருந்த ஸகரியா கான் இந்த பந்தி ச்சோட் திவஸ் கொண்டாட பொற்கோவிலில் கூடும் கூட்டத்துக்கு வரியாக அஞ்சாயிரம் ரூபாய் வரி அடைக்கணுமுன்னு சொல்லிட்டார். அந்தக் காலத்துலே அது பெரிய தொகை. ஏராளமான சீக்கியர்கள் கலந்துக்கறதால் வரப்போகும் காணிக்கையில் இதை அடைச்சுடலாமுன்னு மணி சிங் ஜி சரின்னு சம்மதிச்சுட்டார். அப்புறம்தான் தெரியுது இந்த கவர்னரின் வஞ்சக எண்ணம். சீக்கியர்கள் கூட்டத்தை அப்படியே 'மேலே' அனுப்பும் திட்டம் வச்சுருக்கார் கவர்னர். உடனே எல்லோருக்கும் 'கூட்டத்துக்கு வராதீங்க'ன்னு எச்சரிக்கை செய்யும் ரகசிய சேதி அனுப்பிட்டார் மணி சிங் ஜி. யாரும் வரலை. வசூலும் இல்லை. வரி கட்ட முடியலை. இதையே சாக்காகவச்சு மணிசிங்ஜியைக் கைது செஞ்சு லஹோருக்குக் கொண்டுபோய் மரணதண்டனை கொடுத்துட்டார் அந்த கவர்னர் ஸக்கரியா கான். வீரமரணம் அடைஞ்ச பாய் மணி சிங் ஜியை நினைச்சுக்கும் தினமும் இதுவாக இருக்கு.

நாலாம் நாள் அமாவாசை. இன்னிக்கு லக்ஷ்மி பூஜை செய்யறாங்க. வீட்டில் எல்லா மங்களமும் நிறைஞ்சுருக்கணுமே!

அஞ்சாம்நாள் கோவர்தன(கிரி) பூஜை. கோகுலத்தில் பேய் மழை பெய்தபோது, கோவர்தனகிரி என்ற குன்றைக் குடையாய் பிடித்து சகல ஜீவராசிகளையும் காப்பாத்துன கண்ணனை நினைச்சு இந்த பூஜை!

ஆறாம்நாள் பாய் தூஜ் Bhaiduj சகோதரர்கள் தங்கள் சகோதரிகளைச் சந்திச்சுப்பேசி பரிசுகள் வழங்கும் நாள். ரக்ஷாபந்தன்னு சில மாசங்களுக்கு முன்னேதானே சகோதரிகள், சகோதரன்களுக்கு ராக்கி கட்டி பரிசு வாங்கிக்கிட்டாங்க. போகட்டும் வருசத்துக்கு ரெண்டு பரிசு கேரண்டீ:-)))

நம்ம பக்கம் கனுப் பொங்கலுக்கு உடன்பிறந்தானுக்காக கனுப்பிடி வைக்கறோமே. அதுக்கு ஒரு பத்து ரூபா மணியார்டர் வருமேன்னு நினைவு ஓடுது.

யமன் தன்னுடைய சகோதரி யமியைப் பார்க்க அவளுடைய வீட்டுக்குப் போனபோது யமி ஆரத்தி எடுத்து அண்ணனை வரவேற்றாளாம். இந்த யமிதான் யமுனை நதியாக ஓடிக்கிட்டு இருக்காளாம்(வேளுக்குடி சொன்னார்)YAM DWITIYA ன்னு சொல்றாங்க.

நாட்டின் மற்ற மாநிலங்களில் (கேரளா தவிர) வெவ்வேற காரணங்களுக்கு இந்தப் பண்டிகையைக் கொண்டாடுறாங்க. அதை இன்னொரு சமயம் பார்க்கலாம். அடுத்த தீபாவளி ஓடியாப் போகப்போகுது?



இப்படி ஆறுநாளா இங்கே கொண்டாட்டமோ கொண்டாட்டம்தான். தமிழ்நாட்டுலே மட்டும் இப்படி ஆறு நாள் விழா இருந்துருந்தால் ..... 'ஆ........... இப்பவே செலவு கண்ணைக் கட்டுதே'ன்னு இருக்கும் உங்களுக்கெல்லாம் எப்படி இருக்கும்?

பொங்கலுக்கு நாலு, தீவுளிக்கு ஆறுன்னு பத்து நாளில் நொந்து நூடுல்ஸ் ஆகி இருப்பீங்க.

கடவுள் உங்களையெல்லாம் தமிழ்நாட்டுலே பொறக்கவச்சுக் காப்பாத்திட்டான் இல்லே:-))))))

தந்தேரஸ் ஷாப்பிங் கிளம்பிப்போய் ஒரு கிலோ உப்பும், மூணு கம்பி மத்தாப்பு பொட்டியும் வாங்கி வந்தாச்சு. தெருவில் அங்கங்கே பேண்டு வாத்தியத்தோடு ஊர்வலம் போய்க்கிட்டு இருக்கு. மஹாலக்ஷ்மி படம் வச்ச அலங்கார வண்டி ஊர்வலமாப் போகுது. சீக்கியர்களும் அலங்கார வண்டியில் க்ரந்த் ஓதிக்கிட்டே போறாங்க. கேமெரா கொண்டு போகலை:(
தாற்காலிக ஷாமியானா பந்தல் போட்டு ட்ரை ஃப்ரூட்ஸ், நட்ஸ் விற்பனை ஒரு பக்கமும் பட்டாஸ் ஒரு பக்கமுமா அமர்க்களமா இருக்கு நகரம்.


அனைவருக்கும் இனிய தீபாவளித் திருநாளுக்கான வாழ்த்து(க்)கள்.


PIN குறிப்பு: இந்த தீபாவளிக்கு பள்ளிக்கூடம் பத்து நாளுக்கு லீவு எல்லோரும் நல்லா மகிழ்ச்சியா இருங்க. எனக்குச் சின்னதா ஒரு பயணம் வாய்ச்சுருக்கு.

என்ன பெரிய மனுஷரோ.................

கலாகிராமத்தில் வேடிக்கை பார்த்துக்கிட்டே போய்க்கிட்டு இருக்கும்போது
சின்னதா உசத்தி இருக்கும் ஒரு வட்ட மேடையில் ஓய்வெடுக்கும் (பொய்க்கால்) குதிரையும் சுத்திவர நமக்கெல்லாம் உக்காரக் குட்டிச்சுவருமா ஒரு அமைப்பு. உள்ளே நுழைய களிமண் பூசி மெழுகுன நுழைவு வாசல். நகரின் நாகரீகத்தை விட்டு விலகி கிராமச்சூழலுக்கு நம்மை அறிமுகப்படுத்திக்கலாம்.
அஸ்ஸாம் ஸ்டாலில் பெயிண்டிங் சிலது விற்பனைக்கு ...... சுருட்டுப் பிடிக்கும் அம்மாவைப் பாருங்க. சூப்பரா இருக்கு இல்லே? நான் முகபாவனையைச் சொல்றேன்.
ஒரு பக்கம் பூராவும் தீனிக்கடைகள். உக்கார்ந்து சாப்பிட வசதியா எல்லோருக்கும் பொதுவான ஒரு ஃபுட் கோர்ட். உள்ளூர் கடை ஒன்னு இட்டிலி, மசால்தோசை, வடை, சாம்பார்ன்னு தென்னிந்திய சாப்பாடு போடுது:-)
ஹரியானா ஜிலேபின்னு பெருசா, குண்டா, அழகே இல்லாத ஒரு வகை.
ஒரு சின்ன டீக்கடையில் ராஜஸ்தான் பாரம்பரிய உடைகளில், அடுப்பு மூட்டி டீ போட்டுக் கொடுக்கறாங்க.
அசம்பாவிதம் நடந்தா, உடனே ஏரியாவைக் கண்டுபிடிக்கக் காவல் மாடமும் காவல்காரரும்.

ஒரு கடையில் சணல் அழகிகள் மூக்கும் முழியுமா மனசை அள்ளிக்கிட்டுப் போறாங்க. ஆசையை அடக்க முடியாமல் ஒரு இளைஞர் தொட்டுத்தொட்டுப் பார்த்துக்கிட்டே இருந்தார். ரெண்டடி உசரம் இருக்கும். விலை 1050 ரூ. எனக்கும் பிடிச்சு இருந்துச்சு. க்ளிக்குனதோடு விட்டுட்டேன். அப்பா...... என்ன ஒரு தீர்க்கமான நாசி!
சல்வார் கமீஸ், புடவை, மேசைவிரிப்பு, குஷன் கவர்ஸ் இப்படிக் கடைகளும், பீங்கான் சாமான்கள், வீட்டு அலங்காரப்பொருட்கள் கடைகளும் ஏராளம். நகர்ந்து போகும்போதே சட்னு பெருமாள் தரிசனம் கொடுத்தார். தஞ்சாவூர் பெயிண்டிங்ஸ். கும்பகோணத்துக்காரர் ஒருத்தர் ஸ்டால் போட்டுருக்கார். போன வருசமும் வந்தாராம். மேளாவில் தமிழ்நாட்டுப் பிரதிநிதியா வந்த ஒரே தமிழர் இவர்தான். வழக்கமா இருக்கும் நம்ம சாமிப் படங்கள் தவிர்த்து தாய்லாந்து நடனப்பெண் படம் ஒன்னு அட்டகாசமா இருக்கு. இதே படம் போன வருசமும் வந்து போயிருக்கு! அஞ்சுதலைப் பிள்ளையார் (ஹேரம்ப கணபதி?) அருமை.

ராக் கார்டன் சிலைகள் சிலதை இங்கே காட்சிக்கு வச்சுருக்காங்க. ராக் கார்டனைப் பத்தி முந்தி எழுதுனது இங்கே.


டெர்ரகோட்டா கலைப்பொருட்கள் குவிஞ்சு கிடக்கு. மத்தியபிரதேஷ் மாநிலத்தில் இருந்து பித்தளைச்சிலைகளும் யானைகளுமா பளபளன்னு வச்சுருக்காங்க. 35 கிலோ ஒரு யானை. ஜோடி நாற்பத்தைஞ்சு ஆயிரம்தான். ச்சீச்சீ...........இந்தப் பழம் ரொம்பவே புளிக்குது........ யக்...யாருக்கு வேணும்.....போ போ......

ஒரு நந்தி கொஞ்சம் வித்தியாசமா இருக்கேன்னு பார்த்து வச்சுக்கிட்டேன்.
அங்கங்கே திருநங்கைகள் அழகா உடைகள் அணிஞ்சு பவனி வர்றாங்க. அந்த உயரத்துக்கு ஆடை அணிகள் ரொம்ப எடுப்பா இருக்கு.

முகலாயர் காலத்துலே ராஜ குடும்பத்துக்குன்னே ரொம்ப அபூர்வமா செய்ய ஆரம்பிச்ச கண்ணாடி நகைகள் (Thewa art jewellary) இப்போ நமக்காகவும் வெளிவந்துருச்சு. கண்ணாடி மேலே 23 காரட் தங்கத் தகடைப் பதிச்சு அதுலே நகைகளைச் 'செதுக்குறாங்க' கொஞ்சம் கனமா இருக்கும் நகைகள். நம்ம பர்ஸும் ரொம்ப கனமாத்தான் இருந்தாகணும். ஆனால் ரசிக்க காசு வேணுமா என்ன? உலகம் முழுக்க இதுக்கு நல்ல டிமாண்ட் இருக்காம். இதுவரை 9 தேசிய விருதை வாங்கி இருக்காம். ராஜஸ்தான் மாநிலம் இதன் தாயகம். இந்த வகைக்கு, ப்ரிட்டிஷ் ராஜ் காலத்துலே ஏகப்பட்ட நகைநட்டுகளுக்கும். அலங்காரச் சாதனங்களுக்கும் டிமாண்ட் கூடிப்போயி, அங்கிருந்து வந்தவர்கள் கொண்டுபோனதில் பலதும் இன்னையக் கணக்குலே ஆண்ட்டீக் நகைக்கடைகளில் விக்டோரியன் ஜூவல்லரி கலெஷன்ஸ் என்ற பெயரில் சக்கைப்போடு போடுது.
இந்த மேளா நடக்கும் பத்து தினங்களில் தினமும் மாலை ஆறரைக்குக் கலைநிகழ்ச்சிகள் ஏற்பாடு செஞ்சுருக்காங்க. திறந்தவெளி அரங்கில் பிரமாண்டமா ஒரு மேடை. பாட்டு கேக்க ஆரம்பிச்சதும் நாமும் அங்கே போய்ச் சேர்ந்தோம். முன் வரிசையில் இடம் கிடைச்சது.வடகிழக்கு இந்தியாவின் பல்வேறு மாநிலங்களின் ஃபேஷன் பரேடு ஆரம்பமாச்சு. பல மாநிலங்களில் பெண்கள் புடவைதான் கட்டி வர்றாங்க. ப்ளவுஸ் மட்டும் கை நீளமா முன்கை வரை இருக்கு. நாகாலாந்துலே மட்டும் புடவையைக் காணோம்.
கலை நிகழ்ச்சிகள் ஆரம்பமாச்சு. மிருதங்கத்தைக் கழுத்தில் தொங்கவிட்டு, அதை வாசிச்சுக்கிட்டு வெள்ளை உடுப்பும், மஞ்சள் உடுப்புமா ரெண்டு குழுவினர் ஆடோ ஆடுன்னு ஆடுனாங்க.. நல்ல ரிதம். நம்மூர் பறை போல இருக்கும் ஒரு மேளம். இதுக்கு ரெண்டு பக்கமும் மூடி இருக்கு. அதை அடிச்சுக்கிட்டே சுத்தி சுத்திவந்து, தரையில் இருந்து எகிறி வானத்துலே ஒரு அஞ்சாறடி உசரத்துக்குத் தாவிக் குதிச்சு சுத்தி வந்துகிட்டே ஆடுனாங்க. அப்புறம் பேம்பூ டான்ஸ். நீங்களும் பார்த்துருப்பீங்க. நீளமான மூங்கில்களை குறுக்கும் நெடுக்குமாக் கட்டம் போட்டதுபோல வச்சு ஆண்கள் அதைச் சேர்த்தும் பிரிச்சும் தட்டத்தட்ட பெண்கள் ஆடிக்கிட்டே கட்டத்துக்குள் போய்ப்போய் காலை வச்சு வெளியில் குதிக்கிறாங்க. நல்ல கவனமா ஆடவேண்டிய நடனம். கவனம் விலகுனா கால் போச்சு:( படார்ன்னு அடிச்சுரும்.
இந்த நடனவகைகளில் காலை மட்டும் கவனிக்கணும். அதுக்கு உசர மேடை சரிப்படாது. ஆம்பி தியேட்டர் மாதிரி கொஞ்சம் பள்ளத்துலே மேடை இருந்தா அருமையா இருந்துருக்கும். இப்பத்தான் நம் வரிசைக்கு முன்னால் போட்டுருந்த விவிஐபி இருக்கைகளுக்கு சிலர் வந்தாங்க. அரசாங்க உயர் அதிகாரியோ இல்லை சுற்றுலா அமைச்சரோ யாரோ ஒருத்தர்.

மேடை நிகழ்ச்சியைப் படம் எடுத்துக்கிட்டு இருந்த போட்டோஃகிராஃபர்கள் எல்லாரும் சொல்லி வச்சமாதிரி இந்தப் பக்கம் திருப்பி க்ளிக்கோ க்ளிக். அவுங்க உக்காருமுன் நாலைஞ்சு பணியாளர்கள் வந்து அந்த இருக்கைகளைப் பாய்ஞ்சு பாய்ஞ்சு துடைச்சாங்க. அமர்ந்ததும் ஏழெட்டுப்பேர் அவுங்களுக்காக டீயும் தின்பண்டங்களுமா தூக்கிக்கிட்டு ஓடி வந்தாங்க. எல்லாம் பளபளன்னு ஸில்வர் சர்வீஸ்.

மேடையிலோ, நாட்டியம் நடந்துக்கிட்டு இருக்கு. பொதுமக்கள் பார்வைக்கு இடைஞ்சலா இருக்கோமேன்னு யாருமே நினைக்கலை. உபசரிப்புலே மட்டும் கவனம். குளிர் சீஸன் தொடங்கிருச்சு இங்கே. சூடான சாய் இதமா இருந்துருக்கும். போகட்டும். நமக்கு விரோதம் ஏதுமில்லை. எனக்கு ஒரே ஒரு வருத்தம் என்னன்னா....... அதைக் குடிச்சு முடிச்ச அடுத்த வினாடி எழுந்து போனதுதான். அவ்வளவு முக்கியஸ்தர், மேடைக்குப்போய் பங்கேற்கும் கலைஞர்களை ரெண்டு வார்த்தைப் பாராட்டிப் பேசி இருக்கலாம் தானே? என்ன பெரிய மனுசங்களோ:( வந்தார், தின்றார், சென்றார்!
நாகாலாந்துவாசிகளின் குழுநடனம் ஊலா....ஹூலான்னு ஆரம்பிச்சது. அவுங்க ஊலாவை மொழிபெயர்த்து மைக்கில் சொன்னார் ஒருத்தர்.'வோ லோக் அப்னா பாஷாமே போல்தே ஹை(ங்) 'மேய்ன் தும் ஸே ப்யார் கர்தா ஹூம்'. உடனே கோபால் என் பக்கம் திரும்பி ஊலா ஊலான்னார். நானும் ஊலா ஊலான்னேன்:-)

பார்த்தவரை போதுமுன்னு கிளம்புனதும், பார்த்து வச்ச நந்தியைக் கையில் பிடிச்சுக்கிட்டுப் போகலாமுன்னா.............'நந்தி இருந்தா வீட்டுக்கு நல்லது இல்லை'யாம். நம்ம வாஸ்து நிபுணர் ரீல் விடறார். ' நந்தி மாதிரி குறுக்கே வராதீங்க. எப்படி நல்லது ஆகாமப் போகுதுன்னு பார்க்கணும் எனக்கு'.. இந்தக் கூட்டத்துலே அந்தக் கடை எங்கே இருக்கோன்னு தேடும் பாவனையில் நேரா அந்தப் பக்கம் போறார். தோ....ஆப்டுடுத்து!
அங்கே புத்தகம் படிக்கும் புள்ளையார் ஒருத்தர் இருந்தார். கட்டாயம் நம்ம பர்ஸைக் கடிப்பாருன்னு சொல்லும் சைஸ். நந்தியிலே நிக்கலாமுன்னு கொஞ்சம் பேரம் பேசி வீட்டுக்குக் கொண்டுவந்துட்டேன்.
நந்தி அழகா இருக்கா?

PIN குறிப்பு: தீவாலி மேளா இன்னும் ரெண்டு மூணு இடத்துலே நடக்குது. அதை அப்புறம் பார்க்கலாம். படிச்சவன் ஒருத்தன் அசிங்கமா நடந்துகிட்டான்ப்பா.:(

திறந்த கைகளால் ஓர் அழைப்பு

நல்லாப் பார்த்துக்குங்க, கையில் கறை ஏதுமிருக்கான்னு.....
இந்தச் சண்டிகர் ஒரு நகரா இல்லை மாநிலமான்னு எனக்கு ஒரு சின்னக்குழப்பம், இன்னிவரையில். பரப்பளவில் வெறும் 114 சதுர கிலோமீட்டர் உள்ளதும், இந்தியாவின் நம்பர் ஒன் பணக்கார ஊராவும் இருக்கு. மத்திய அரசின் நேரடிப்பார்வையில் இருக்கும் மாநிலங்களில் ஒன்னு. மாநிலச் சின்னமா திறந்த கைகள் செஞ்சு அங்கே ஒரு இடத்தில் தூக்கி வச்சுருக்காங்க. அதைப் பார்க்கலாமுன்னா போனால் ஏகப்பட்ட கெடுபிடி அந்தப் பகுதியில் ( செக்டர் 1 கேப்பிடல் காம்ப்ளெக்ஸ்) நுழையறதுக்கு. ஏ.கே.47 வச்சுருக்கும் ஆர்மிக்காரர் வண்டியை நிறுத்தி என்ன ஏதுன்னு விசாரிச்சார். 'கை' பார்க்க வந்தேன்னு சொன்னதும், எந்த ஊருன்னார். (சிங்காரச்) சென்னைன்னதும் உடனே உள்ளே போக அனுமதி கிடைச்சது. ஒருவேளை 'அன்னை' ஆர்டர் போட்டுருக்காங்களோ!!! வடக்கே தமிழனை யாரும் மதிக்கறது இல்லேன்னு இனி சொல்லாதீங்கப்பா:-))))

ஆரஞ்சு ட்ராஃபிக் கோன்களை வரிசையா வச்சு அதுக்கிடையில்தான் வண்டி போகணும். லைசன்சு எடுக்கக்கூட இவ்வளவு 'கடுபடு' இல்லை. இதுலே பை இருக்கறவங்களுக்குத் தனி லேன். பை இல்லாதவங்களுக்குத் தனியா ஒன்னு. ஒருவேளை ஸூட்கேஸுக்கு இங்கெல்லாம் 'பை'ன்னு பேரோ!!!!! காரில் இருக்கும் ஏர்பேக் கணக்கில் வருமா?
14 மீட்டர் உயரம், 14 மீட்டர் அகலம். எடை வெறும் 50 டன். உலோகத்தகடுகளால் ஆன பெரிய கை. ஒரு கம்பத்துலே தூக்கி நிறுத்தி இருக்காங்க. இவ்வளவு கனம் இருந்தாலும் காத்தாடி போல சுத்துது. சுத்துப்புறம் எல்லாம் வெட்டவெளி தான். காத்தடிக்கும் திசையையும் தெரிஞ்சுக்கலாம். "open to give & open to receive." Open hand is the city's official emblem. எங்கே கிவ்? வியாதிகளுக்கு எல்லாம் ரிஸீவ் மட்டும்தான். ஒரு பக்கம் உயர்நீதி மன்றக் கட்டிடம். அதென்னவோ ஹை கோர்ட்டுன்னதும் சென்னை உயர்நீதி மன்றக் கட்டிடம் நினைவுக்கு வருவதால் இதை மனசு ஏத்துக்கமாட்டேங்குது!
இது ஒரு பக்கம் இருக்க ஊருக்கு மறு கோடியில் கலைக்குன்னு ஒரு கிராமத்தை நிர்மாணிச்சாங்க. வருசம் 2000. பக்கத்துலே இருக்கும் சாலையில் பயணம் போகும்போதெல்லாம் உள்ளே என்னதான் இருக்குமுன்னு ஒரு யோசனை. அழகான தோரணவாயில் ஒன்னு கண்ணுலே படும். அதுலே யானை இருக்கே! பார்த்தால் ஆச்சுன்னு ஒரு நாள் போனால்......
ஒரு ரெஸ்ட்டாரண்ட். தொட்டடுத்து சிற்பங்கள் சுற்றிவர இருக்கும் புல்வெளியும் அதுக்குக் கரைகட்டுனாப்போல இருக்கும் நடைபாதை வெராந்தா. சினிமாவுக்கு டூயட் பாடச் சரியான இடம். அடுத்தபக்கம் வெட்டவெளியில் ஒரு மேடை. அன்னிக்கு ஏதோ க்விஸ் ப்ரோக்ராம் நடக்கப்போகுதுபோல....வரிசையா நாற்காலிகள் போட்டு வச்சுருக்காங்க.
உறங்கும் சிங்கம். எழுந்தா அவ்ளோதான்!
ரெண்டு மூணு பேர் புல்வெளியை ஒட்டிய இடத்தில் சிற்பங்களை செதுக்கி(??) அதுக்கு பாலீஷ் போட்டுக்கிட்டு இருக்காங்க. 'சேண்டர்' மாதிரி ஒரு கருவி சர்ன்னு சுத்திக்கிட்டு இருக்கு கையில். நவீன விஷ்ணு சக்கரம்!
சிற்பியிடம் பேச்சுக் கொடுத்ததில், வரப்போகும் போட்டிக்கு தயாராக்கறாராம்! சப்ஜெக்ட்டு........... ஆமை. இந்த சிற்பப்பூங்காவில் சின்னதும் பெருசுமா 200க்கும் அதிகமான சிற்பங்கள் அங்கங்கே காட்சிக்கு இருக்கு.
Baithak Restaurant அருமையான ருசியோடு சாப்பாடு போடுதாம். ஒரு நாளைக்குப் போகணும். கிராமிய செட்டிங்லே மண்டபம், மாட்டுவண்டி, கிணறு, ஓய்வெடுக்கும் எருமைக்குடும்பம், முறுக்கு மீசையுடன் சர்தார், மோர் கடையும் அம்மா, கோலி விளையாடும் பசங்கன்னு அங்கங்கே அலங்காரத்துக்கு வச்சுருந்தாலும் முயல்குட்டிகளையும் நாலைஞ்சு கூண்டுகளில் வளர்த்துக்கிட்டு இருக்காங்க.

இங்கே இருக்கும் திறந்தவெளி அரங்கில் நாலாயிரம் பேர் உக்கார வசதி இருக்கு. நவராத்திரி காலங்களில் தாண்டியா ஆட்டம்கூட உண்டாம். நம்ம கோவிலில் ஏழுநாளும் விழா, கலைநிகழ்ச்சின்னு அமர்க்களப்படுத்திட்டதால் நமக்கு தாண்டியா 'ஆட' ச்சான்ச் கிடைக்காமப்போச்சு:( ஒன்னரை லட்சம் பேர் இந்த 9 நாளிலும் ஆடோ ஆடுன்னு ஆடி இருக்காங்க.

தாய்லாந்து ஸ்டைலில் ஒரு Condom Bar வச்சுருக்காங்களாம். எய்ட்ஸைத் தடுக்க முன்னேற்பாடு. மொத்தம் 16 ஏக்கரை வளைச்சு இருக்கு. டெல்லியில் இருக்கும் டில்லிஹாட் போல உருவாக்கணும் என்று ஆரம்பிச்சது. ( இது பற்றி நம்ம பழைய பதிவு ஒன்னு இருக்கு இங்கே)

சிற்பங்களை நோட்டம் விட்டுக்கிட்டே அந்தப் பக்கம் போனால் கூரை எல்லாம் பிய்ஞ்சு வெறும் ஸ்டால்கள் கிடக்குதேன்னு விசாரிச்சால் இங்கே மேளா நடக்குமாம். கைவினைப் பொருட்களுக்கான கண்காட்சி. அப்போ அந்த ஸ்டால்களுக்கு உசுரு வந்துருமுன்னு சொன்னாங்க. எப்போ எப்போன்னால்..... சரியாக தேதியோ மாசமோ சொல்லத் தெரியலை, அங்கே இருந்த மக்களுக்கு. வோ த்தோ...ஆயேகா...

கப் kab கப்ன்னு இருந்ததுக்கு ஒரு நாள் தினசரியில் விளம்பரம் வந்தே வந்துருச்சு.NZCC நடத்துதுன்னு பார்த்ததும் நியூஸியான்னு ஒரு திகைப்பு. என்னைத்தான் சொல்றாங்களோ???

சண்டிகர் மாநிலம் தன் 'திறந்த கை'யோடு நடத்தும் கண்காட்சி. நார்த் ஸோன் கல்ச்சுரல் செண்ட்டர் முன் 'கை' எடுத்து ஆரம்பிச்சது.
இடமே மாறிப்போய்க்கிடக்கு. எங்கே பார்த்தாலும் பூக்களும் பலூன்களும் அலங்காரமுமா.......பத்து ரூபாய் நுழைவுக் கட்டணம். இந்த வருசத்து தீம் வடகிழக்கு மாநிலங்கள். அஸ்ஸாம், நாகாலாந்து, மேகாலயா, மணிப்பூர், அருணாசல் ப்ரதேஷ், த்ரிபுரா, மிஸ்ஸோரம், சிக்கிம் கலந்துக்கறாங்க.

போன வருசம்தான் இந்த மேளா வைப்பது ஆரம்பிச்சு இருக்கு. தீம் காஷ்மீர் மாநிலம். ஓஹோ....தலையில் இருந்து ஆரம்பிக்கறாங்க:-)

உள்ளே நுழைஞ்சதுமே மூங்கில் பட்டைகளால் அலங்கரிச்ச குடில்கள். வடகிழக்கு இந்தியாவின் எல்லா மாநிலங்களும் ஸ்டால்ஸ் வச்சுருக்காங்க. மரத்தாலும், மூங்கில்களாலும் ஆன பொருட்களே அநேகமா எல்லாம். தேனீர் கெட்டிலும், ஹரிக்கேன் விளக்கும் நல்லா இருந்துச்சு.
செயற்கைப் பூக்கள் வகையில் ச்சும்மாக் கலர்க்கலரா குச்சியில் ஒட்டிவச்சுருப்பது பார்க்க சுமாராத்தான் இருக்கு. ஆனால் பார்வையாளர்கள் பலரும் கையில் பிடிச்சுக்கிட்டுப் போறாங்க. நல்ல உசரமான பூஞ்சாடி இருக்கணும் இதுக்கெல்லாம். ச்சீச்சீ...... இந்தப் பழம் ரொம்பவே புளிக்குது..........
மக்களை வரவேற்கும் முகமா மேளதாளத்தோடு நாட்டியம் ஆடிக்கிட்டே ஒரு கலைக்குழு. மூணு திருநங்கைகள் என்னமா ஆடுறாங்கன்னு.... பாருங்க. இடமும் வலதுமா கடைகள் .....குடில்களுக்கு உசுரு வந்தே வந்துருச்சு;-)
நடுநாயகமா . தூக்கிய துதிக்கையுடன் நம்ம ஆள் நிக்கறார். நகருக்கு அன்பளிப்பாம். ஹூம்..... நம்ம விலாசம் தெரிஞ்சுருக்காது .....என்னாலேயும் 'இந்த யானையைக் கட்டித் தீனி போடமுடியுமு'ன்னு காமிச்சுருக்கலாம்....

நான் தாகமாயிருந்தேன்....................


PIN குறிப்பு: பதிவின் நீளம் கருதி மீதியை அடுத்த இடுகையில் பார்க்கலாம்