வீடு 'வா வா'ங்குது ! பகுதி 31

கதவையெல்லாம் சரி பண்ணறேன்னு தேச்சு வச்சிருக்கார் பில்டர். அங்கங்கே பெயிண்ட் போயிருச்சு. 'இப்ப அதுக்கு யாரு பெயிண்ட் அடிப்பா'ன்னு கேட்டேன். பெயிண்டர்தான் அடிக்கணுமாம்.

அந்தப் பையன் ஆன்ட்ரூ இன்னும் வேலை செய்யறாரு. நான் ஃபோன்லே கூப்பிடச் சொல்லிட்டு வந்துட்டேன். வீட்டுலேயே அந்த ஒர்க் ஆர்டர் நோட்பேட் கிடைச்சிடுச்சு!

அஞ்சரைக்கு ஆன்ட்ரூவோட ஃபோன். நான் கதவைப் பூட்டறதுக்குப் போனேன். எப்படி அந்த ஹீட் பம்பை சுத்தம் செய்யணும்ன்னு சொன்னாரு.
சரின்னு கேட்டுக்கிட்டேன். அதையெல்லாம் உபயோகிக்க ஆரம்பிச்சாத்தான் என்ன, எப்படிங்கறது புரியும். இல்லையா?

வீட்டை பூட்டிக்கிட்டுக் கிளம்பலாம்ன்னா கிங்கோட ஃபோன். டைல்ஸ் போட வர்றாராம். அங்கெயே இருந்து அவுங்க வந்தாவுட்டு நான் கிளம்பி இங்கே வந்துட்டேன்.

அந்த ஹீட்டிங் ஒயர் பதிச்சது சரியில்லையாம். அவுங்க போட்டு இருக்கற க்ளூவும், டேப்பும் டைல்ஸ்லே சரியா ஒட்டாதாம். அதனாலெ இவரோட வேலைக்கு கேரண்ட்டி தரமுடியாதாம்! இப்ப என்ன செய்ய முடியும்?
காங்கிரீட் போடறப்பவே வீடு மொத்தத்துக்கும் ஹீட்டிங் போட்டிருக்கலாமாம். அதுக்கு வெறும் 2000தான் ஆகுமாம். மொத்த ஏரியாவுக்கும் போட்ட பிறகு எங்கியாவது பழுதானா எப்படி ரிப்பேர் செய்வாங்க? வீட்டை இடிச்சுட்டா? என்னவோ? ஒண்ணும் புரியலெ!

ஆளாளுக்கு ஒண்ணு சொல்றாங்க. பெயிண்டர் ஜாப் நல்லா இல்லேன்னு க்ரேக் சொல்லிகிட்டே இருக்காரு. என்னை கொண்டுபோய்
ஒவ்வொரு கதவு, ஒவ்வொரு சுவருன்னு காமிச்சுக்கிட்டே இருக்கார். இதுலே இவர் வேற கதவையெல்லாம் சரி செய்யறேன்னு இழைச்சாச்சு.
அதுக்குவேற பெயிண்ட் அடிக்க வேணாமா? தப்புக் கண்டுபிடிச்சுக்கிட்டே இருந்தா எப்படி? பெயிண்டருக்குக் கொடுக்க வேண்டியதில் இன்னும் கொஞ்சம் காசு பாக்கி இருக்கு. அதனாலெ இதையெல்லாம் மறுபடி

செய்யச் சொல்றேன்னேன். அதுக்கு பதில் என்ன தெரியுமா? 'இதுவே என் வீடா இருந்தா நான் காசு கொடுக்க மாட்டேன்.
வேலை சுத்தமில்லை! இது எப்படி இருக்கு? அவர் சொன்ன ஆளை வச்சிருந்தா வேலை படு சுத்தமா இருக்குமாம். அவருக்கு இன்னும் 3000
கூடத்தரணுமே? அந்தக் காசு கம்மி பண்ணினதாலெ தரமும் கம்மியா? என்னவோ போங்க! பில்டர் சொன்ன ப்ளம்பரைத்தான் ஏற்பாடு செஞ்சோம். எப்படி நம்மை ஆட்டி அலைக்கழிக்கிறார்ன்னு பார்த்தீங்கதானே? இப்ப அவர் சொன்ன பெயிண்டரை வைக்கலைன்னு அவருக்கு மனக்குறை.

கிங் இன்னும் ரெண்டுமணி நேரம் வேலை செய்வாராம். கூப்பிடச் சொல்லிட்டு வந்துட்டேன்.
மணி 9.30 ஆகுதேன்னு கிங்கை நானே ஃபோன்லே கூப்பிட்டேன். முடிஞ்சிடுச்சு, நீங்க வாங்கன்னார். உடனே போனேன்.
உள்ளெ விளக்கு எரிஞ்சுகிட்டு இருந்தது. இன்னைக்குத்தான் நம்ம வீட்டை முதல் முதலா விளக்குலே பார்க்கறேன். முன்வாசல் கண்ணாடி
யானைங்க அட்டகாசமா இருக்கு!


உள்ளெ போனா தரையிலே நடுப்பாகமெல்லாம் முடிச்சிட்டாங்க! ஓரங்கள்தான் பாக்கி. இன்செட்டும் பரவாயில்லாம வந்திருக்கு! ஆனாலும்
நான் மொதல்லே பார்த்துவச்ச ப்ரவுன் கிடைக்காதது கொஞ்சம் மனவருத்தமே!

ரொம்பக் கஷ்டமாப் போயிருச்சாம். ஒயருங்கல்லாம் லூசா இருந்தது. அதை ஆட்டினா எங்கே உள்ளே ஏதாவது ஆயிருமோன்னு பயம். அதாலெ

தரையிலெ 'க்ளூ' போடாமல் 'டைல்ஸ்'லே க்ளூ தடவி ஒட்டும்படி ஆச்சுன்னார்.

நாளைக்குக் காலையிலே 7 மணிக்கு வராராம். எப்படியும் பில்டர் 7.30 வராரேன்னு 7.30 பரவாயில்லையான்னு கேட்டேன். சரின்னு ஒருமாதிரி

இழுத்தார். சரி.சரி. 'வேலை செய்யறேன்'றவங்க வந்து செய்யட்டுமேன்னு நானு 7 மணிக்கே வரேன்னு சொன்னேன். எல்லாக் கதவையும்

பூட்டியிருக்கான்னு பார்த்துட்டு அலாரம் போட்டுட்டு வந்தேன்.

21/12
காலையிலே 6.50க்குக் கிளம்பிப் போனேன். கதவைத் திறந்து அலாரம், எடுத்தாச்சு! கிங்கும் போவும் வந்து விட்டுப் போன இடத்துலே
போடற டைல்ஸ்க்கு அளவு எடுத்தாங்க! ஒண்ணோன்னா எடுத்து வச்சுப் பார்த்து மார்க் செஞ்சுக்கிட்டாங்க. ஃபேக்டரிக்குக் கொண்டுபோய்
கட் செய்வாங்களாம். பிசிறு வராம இருக்கணுமாம்.

நானும் பில்டருக்காக வெயிட் செஞ்சேன். யாரு 100 தடவை போறது? 7.25க்கு க்ரேக் வந்தாச்சு. என்ன வேலைன்னு சொல்லிட்டு வந்தேன்.
பக்கத்து வீட்டு (31) மரம் நம்ம வீட்டு ஓடு மேலே விழறமாதிரி வருது. பலத்த காத்து அடிச்சதே! வெட்டிடலாம்னா அவுங்க கிட்டேப் போய்ச்
சொல்லணும்! அவுங்க நல்லவங்களா இருக்காங்க. சின்ன வயசு ஆளுங்கதான்! அந்தப் பக்கம் ஃபென்ஸ் இல்லாததாலேதான் இந்தப் பக்கம்
ரொம்பச் சாய்ஞ்சிடுச்சு. ஃபென்ஸ் நாமதானே போடணும்? குடிபோற முந்தியே பக்கத்து வீட்டு ஆளுங்களோட 'டிஸ்ப்யூட்' வேணான்னு பாக்கறேன்!

வீட்டுக்குவந்துட்டு, கேரியைக் கூப்பிட்டேன். எப்ப வேலைக்கு வராருன்னு தெரிஞ்சிக்க! மத்தியானமாம். கிரேக் அங்கெ வேலை செய்யறதாலே வீடு
திறந்துதான் இருக்குன்னு சொன்னேன்.

இன்னைக்கு ஷாலினி என்னையும் அரஷ்யாவையும் லஞ்சுக்குக் கொண்டு போறதாலே அதை முடிச்சுகிட்டு அங்கே போகணும்! மறக்காம
கிறிஸ்டல்(!) கொண்டுபோகணும்!

அலாரம் ஆளு ரிச்சர்டு ஃபோன் செஞ்சார். வீடு மானீட்டரிங் செய்ய சாவி வேணுமாம். மத்தியானம் 3 மணிக்கு அங்கே வந்து வாங்கிக்கச் சொன்னேன்.

'அர்பன் டைல்ஸ்'ஸை ஃபோன்லே கூப்பிட்டு டைல்ஸ் ஆர்டர் செஞ்சது வந்துச்சான்னா, அது வந்துருச்சாம். ஆனா நான் போய் கில்மோர்
தெருவிலே இருக்கற டெப்போவிலிருந்து எடுக்கணுமாம். வேற வேலை இல்லை. இந்தக் கடைக்குதான் வருவேன், அங்கே போக முடியாதுன்னேன்.
அப்ப நாளைக்கு இங்கேயே கொண்டுவந்து வைப்பாங்களாம். இப்ப எடுத்தா மட்டும் என்ன, எத்தனைநாள் அது ச்சும்மா உக்காந்து இருக்குமோ?
நாளைக்கே எடுக்கலாம்ன்னு சொல்லிட்டேன். இங்கே நம்ம காசு வேற இருக்குல்லே!

மத்தியானம் லஞ்சுக்குப் போயிட்டு வந்தவுடனே நேரா அங்கே போனேன். சரியா மூணு அடிக்க 7 நிமிஷம். அலாரம் ரிச்சர்டு வந்துட்டுப் போனாராம்! அங்கேயிருந்து செல்லிலே கூப்பிட்டேன். அவரு இல்லை ஆன்ஸரிங் மெஷின் இருக்கு. அதுகிட்டே என்னத்தைன்னு சொல்ல?

அப்ப கிங் வந்தாரு. என்னன்னா டைல்ஸ்ஸை வெட்டிட்டாராம் ஈரமா இருக்காம். அதனாலெ அதை வெளியிலே காய வைக்கணுமாம்.
ராத்திரி போடுவாராம்.

பில்டர் எல்லாக் குப்பையையும் கூட்டி ரப்பிஷ் டம்ப்லே போட்டுட்டு வந்துட்டாராம். வீடு சுத்தமா இருந்தது! கேரி லைட்டுங்க போட்டுக்கிட்டு
இருந்தார். கிறிஸ்டல் கொடுத்து மாட்டச் சொன்னேன். கொஞ்சம் நீளம். பரவாயில்லை! என்ன செய்யறது? எவ்வளவு காசு தரணுமுன்னு கேரி
கேட்டார். ஒண்ணும் இல்லை. இலவசமாக் கிடைச்சதுன்னேன்.

பவுடர் ரூம்லே டாய்லெட் பைப்பை இடம் நகர்த்தி வச்சிருக்கு! ஸ்பாவுக்கு சுத்தி கரை கட்டியாச்சு .ஃப்ரேம் அடிக்கறதுதான். நாளைக்குக்
காலையிலே 7.30க்கு வந்து காங்க்ரீட் கலக்கி ஊத்துவாராம். அப்ப துணிக் கம்பத்துக்கு பள்ளம் தோண்டி நடச் சொன்னேன். எந்த இடம்ன்னு
காமிச்சாச்சு! அப்ப க்ரேக் சொல்றது., 'இன்னும் என்னென்ன ஸர்ப்ரைஸ் வேலை இருக்கு?' வேலை சொன்னா அதுக்கு ஒரு 'திடுக்'!

ஓட்டு மேலே ப்ளாஸ்டிக் இருக்குன்னு சொன்னேன். நாளைக்கு எடுப்பாராம். துணிக் கம்பம் பாக்ஸ் வீட்டுலே வந்து எடுத்துக்கிட்டுப் போனார்.

நாளைக்கு கெரியும் 7.30 ஆம். காலையிலெ போய்க் கதவைத் திறக்கணும்!
பவர் வீட்டுக்குள்ளே வியாழனுக்கு வருதாம். அன்னைக்கு எல்லா ஹீட் பம்பையும் 1 மணி நேரம் போடச் சொன்னேன்.

பில்டர் எல்லா வேலையும் முடிச்சாச்சாம். டவுன் பைப் போட்டிருந்தது! வெளியே இருக்கற பாலீஸ்டைரீனை கேரிக்குக் கொடுத்துட்டதா
க்ரேக் சொன்னாரு! யாரு சாமான்களை யாரு கொடுக்கறது? அப்புறம் கெரிகிட்டேச் சொன்னேன். மகளுக்கு ஒரு துண்டு வேணுமாம். வாஷிங் மெஷீன் மேலே போட்டுக்கவாம். ஒரு ஷீட்டை வச்சுட்டுப் பாக்கியைக் கொண்டு போகலாம்ன்னு!

வெளியே 'ஐ லிட்' எப்படி வைக்கணும்ன்னு சொன்னேன். வெர்ட்டிகலா வேண்டாம்ன்னு முடிவாச்சு! இப்ப ரக்பி பால் போல இருக்கும்!

( இங்கே ரக்பியைத் தலையில் வச்சுக்கிட்டு ஆடி, இப்ப உலகக்கோப்பையில் தோத்துட்டாங்க)

கேரி 4.30 வரைக்கும் வேலை செய்வாராம். நான் கதவைப் பூட்டிட்டுப் போகச் சொன்னேன். கிங் ஃபோன் செஞ்சாச் சொல்லணும், அவர்கிட்டே இருக்கற சாவியை யூஸ் செய்யச் சொல்லி! அப்புறம் போய் அலாரம் போடலாம்!
கிங் 6 மணிக்கு அங்கெ போறாராம். நான் 7.10க்குப் போனேன். ஓரமெல்லாம் போட்டுக்கிட்டு இருக்காங்க. எட்டு மணிக்குப் போட்டு
முடிச்சிட்டாங்க. கோபால் வேற, என்ன க்ளூ போடறாங்கன்னு பாருன்னு சொன்னாரேன்னுதான் போனேன். ஃப்லெக்ஸிபிள் ரப்பர் பேஸ்டு க்ளூவும்

அதுக்கு ஃப்ளெக்ஸி க்ரெளட்டும்! ஒயர் வேற மாதிரின்னு சொன்னாரே. அதுக்காக ஒவ்வொரு டைல்ஸ் பின்னாலெயும் க்ளு
தடவித்தடவி ஒட்டுனாங்க. அதுக்கே நேரம் ரொம்ப ஆச்சு. நாளைக்கு

க்ரெளட்டு போடுவாங்க! இப்ப கிச்சன் நல்ல வெளிச்சமா இருக்கு! டார்க் கலர் போட்டிருந்தா அழுக்கா இருட்டா இருந்திருக்கும்.

தொடரும்.................
-----------------------------

வீடு 'வா வா'ங்குது ! பகுதி 30

16/12
இவரு மட்டும் காலையிலெ எட்டரைக்குப் போய் என்ன நடக்குது? யாராவது வேலை செய்ய வந்திருக்காங்களான்னு பார்க்கப் போனார்.
யாரும் வரலையாம்! அப்புறம் ஜான் ராபின்சன் வேற ஒரு விஷயம் பேச வந்தார். அதுக்கப்புறம் போனோம். உள்ளே
பாத் ரூம்களை இன்னொருக்க அளந்துக்கிட்டோம். அப்பத்தான் பாக்கறோம், ஜன்னல் பாதி பாக்கி இருந்ததை வந்து சரி செஞ்சிட்டுப் போயிருக்காங்க!
கதவு பூட்டுனது பூட்டியபடி! அலாரம் வேற 'ஆன்' லே இருக்கு! மாயாஜாலம்?!

போற போக்குலேயே 'ட்ரெண்டி மிர்ரர்' கடைக்குப் போய் 'டான்' என்றவரைப் பார்த்தோம். அவர்தான் நம்ம வீட்டுக்குப் போடற கண்ணாடிங்க
அளவை வந்து எடுத்துக்கிட்டுப் போனவர். ரெண்டு வேனிடி ஹீட்டட் மிர்ரர் ,ரெண்டு ஃபோயர் மாடம், ஹால் டேபிளுக்கு மேலே ஆர்ச் மாதிரி வர்றது, புடவைக்குன்னு ஒரு பிரமாண்டம்ன்னு
கண்ணாடிங்க வேணும். கடை ஒனரும் இருந்தாரு. கொஞ்சம் பார்கெயின் செஞ்சு 1300க்கு முடிவாச்சு. ஆர்டர் கொடுத்துட்டு வந்தோம். ஜனவரி 10-14
வாரம் போட முயற்சிக்கிறேன்னு சொன்னார்.

நேத்து உடைஞ்சுபோன 'ஷாண்டிலியர்' கண்ணாடிக்குழாய் வாங்க லைட்டிங் கடைக்குப் போனோம். குழலில் மூணு பாகம் உள்ளது அங்கெ இருக்கு. ஆனா
நமக்கு வேணுங்கறது 2 பாகம் ( 2 துண்டாத் தெரியுற ஒரே குழாய்) அதுக்கு ஆர்டர் கொடுக்கணுமாம்! இது ஏதுடா வம்பாப் போச்சேன்னு
இருந்தது. இந்த மூணு துண்டு இருக்கே அதுவும் அந்த ரெண்டு துண்டும் ஒரே நீளம்தான். அது எவ்வளவுன்னு கேட்டதுக்கு, ச்சும்மாத் தரேன்னு
அந்தப் பையன் சொன்னாரு. 18லே ஒண்ணு, ரெண்டுக்கு மூணா இருந்தா யாரு பாக்கப்போறா? 'இலவசம்' வேற. சரி அதையே கொடுங்கன்னு
சொன்னேன். அப்ப ரெண்டு இருக்கு, ஒண்ணு கிறிஸ்டலோட ( எல்லாம் ப்ளாஸ்டிக் குண்டுதான்!) இருக்கு. ரெண்டையும் கொண்டுபோங்கன்னு
கொடுத்துட்டாரு. நல்லதுன்னு வாங்கிகிட்டு வந்துட்டோம்! கேரி இன்னொண்ணை உடைச்சாலும் இப்பக் கவலை இல்லை:-)

( கேரி : நம்ம எலெக்ட்ரீஷியன்)

கிச்சன் டைல்ஸ்க்கு இன்செட் வேணுமே. அதுக்காக ரெண்டுமூணு இடத்துலே பார்த்துட்டு, ப்ரிஸ்கோவுக்குப் பக்கத்திலெ ( கடை பேரு ' ப்ரைமேக்'?)
ஒரு கடையிலே இருந்த 5 டைல்ஸ்ஸையும் 40 டாலருக்கு வாங்கிகிட்டு, அப்படியே கிங்குக்குப் போன் போட்டுச் சொல்லிட்டோம். அவரும் வந்து
வாங்கிக்கிட்டுப் போயிட்டாரு. மொசைக். இந்திய டிஸைன் போல இருக்கு

அதுக்கப்புறம் வீட்டுலே கொஞ்சம் சமையலை முடிச்சிட்டு, நான் எங்க லைப்ரரி கிறிஸ்மஸ் லஞ்சுக்குப் போனேன். அப்புறம் மறுபடி டைல்ஸ் வேட்டை!
இப்ப காலையிலே போன 'மைல்ஸ் ஆஃப் டைல்ஸ்'க்கே போனோம். அங்கெயே ஏதோ ஒண்ணைத் தெரிந்தெடுத்துட்டு, காசையும் கட்டிட்டு
வந்துட்டோம்.மாறிமாறிப் பார்த்துப்பார்த்துச் சீன்னு போச்சு!

இப்ப கிங்குக்கு எவ்வளவு தூரம் டைல்ஸ் டைனிங் இடத்துக்கு வருதுன்னு தெரியணுமாம்!

இதோன்னு போய் மார்க் செஞ்சிட்டு வந்தோம். நாளைக்கு இவர் ஊருக்குப் போறார். இந்தமுறை என்னவோ கொஞ்சம் கவலையாவே இருக்கு!

18/12
இன்னைக்கு(ம்) அங்கெ போனோம். ஆனா உள்ளெ போகலை. இவருக்கு ஊருக்குக் கிளம்பற நேரம் ஆயிடுச்சுன்னு வந்துட்டோம். ச்சும்மா வெளியே இருந்தே ஒரு பார்வை.

19/12
மத்தியானம் 1.15க்கு கிங் ஃபோன்லே கூப்பிட்டு அங்கே 1.30க்குப் போறதாச் சொன்னார். நான் போய் கதவைத் திறந்து அலாரத்தை
நிறுத்தினேன். கிங்கும் போவும் எல்லாம் சுத்தம் செஞ்சுகிட்டு இருந்தாங்க.நான் வேலை முடிஞ்சவுடன் கூப்பிடச் சொல்லிட்டு வீட்டுக்கு வந்துட்டேன்.
அப்புறம் ஒரு அஞ்சுமணி ஆகறப்ப அந்தப் பையன் போ வந்து சொன்னார்.
நான் போனா, எல்லா கப்போர்டும் சுத்தமா இருந்தது. கீழே டைல்ஸ் போட தரையிலே மார்க் செஞ்சு வச்சிருந்தாங்க.அப்புறம் அலாரம்
ஆன் செஞ்சுட்டுக் கதவைப் பூட்டிட்டு வந்துட்டேன்.

ராத்திரி மச்சினரோட ஃபோன். அவரோட மாமனார் இறந்துட்டாராம். கோபால் ஃபோன் பண்ணாச் சொல்லணும். நாளைக்குக் கட்டாயம்
ஊருக்கு ஃபோன் செய்யணும். இப்ப எல்லாரும் கிளம்பி ஊருக்குப் போய்க்கிட்டு இருப்பாங்க.

20/12
காலையிலே சோம்பலா இருந்தது. எழுந்திரிக்கலாமா, இன்னும் கொஞ்சம் படுக்கலாமான்னு நினைக்கிறப்ப ஃபோன்.. பில்டர் வேலை செய்ய
வராராம். கதவைத் திறக்கணுமாம். 10 நிமிசத்துலே வரேன்னுட்டு ஓடுனேன். என்னென்ன செய்யச் சொல்லணும்ன்னு கோபால் எழுதிவச்சுட்டுப்
போயிருக்கார். அதையெல்லாம் சொன்னேன். டோர் ஸ்டாப்பர் வேணுமாம். ஏற்கனவே வாங்கி அங்கே வச்சிருந்ததைக் காமிச்சேன்.

அப்ப 'லாயிட்' ஃபோன்லே கூப்பிட்டு ஹீட் பம்ப் போட ஆளு வருது. கதவைத் திறக்கணும்ன்னு சொன்னார். நான் பில்டர் வந்திருக்காரு.
கதவு திறந்துதான் இருக்குன்னு சொல்லிட்டு, வீட்டுக்கு வந்து இந்தப் பசங்களுக்கு சாப்பாடு கொடுத்துட்டு, குளிச்சு சாமி கும்பிட்டு, சாப்பிட்டுட்டு
பத்தரைக்கு அங்கெ போனேன். எட்டரைக்கு 'வார்ம் அப்' கம்பெனி மார்க் கீகனுக்கு ஃபோன் போட்டு 'ஹீட்டிங் ஒயர் அண்டர் டைல்ஸ்'க்குப் போட எப்ப ஆளு வருதுன்னு கேட்டதுக்கு அவர் பத்தரைக்குன்னு சொன்னார்.

அடுக்களையிலும், ரெண்டு குளியலறைகளிலும் டைல்ஸ் போடறோமில்லையா,அங்கே குளிர்காலத்துலே நிக்கவே முடியாது. நமக்கோ வீட்டுக்குள்ளே செருப்போடு இருக்கும் பழக்கமும் இல்லை. அதனாலே அங்கெல்லாம் தரையைச் சூடாக்கி வைக்கறதுக்காக டைல்ஸ்க்கு கீழே
ஹீட்டிங் ஒயர் பதிப்பிக்கிறாங்க. தனித்தனிக் கண்ட்ரோல் ஸ்விட்ச் இருக்கு.
நமக்கு வேணுங்கற சூட்டுக்கு செட் பண்ணிக்கலாம். டைமர் இருக்கு. இன்னும் அதுக்குள்ளே சில ப்ரோக்ராம்கூட இருக்கு. எலெக்ட்ரிக் ப்ளாங்கெட்லே இருக்கறது போலத்தான் இந்த ஹிட்டிங் ஒயர் இருக்கு.

குளியலறையில் இருக்கும் கண்ணாடி, நீராவி படிஞ்சு புகைமூட்டமா இருந்தா என்ன பயன்? அதுக்காக அந்தக் கண்ணாடிகளுக்குப் பின்புறம் வலை மாதிரி இருக்கும் ஒயர்களை ஒட்டுறாங்க. அது சூடாகும்போது, நீராவி படிஞ்சாலும் கண்ணாடி பளிச்சுன்னு தெரியும். இந்த வேலையை நமக்குக் கண்ணாடி சப்ளை செய்யறவங்க முடிச்சுருவாங்க.

அங்கே ஒரு பையன் பேரு 'ஜோஷுவா' வந்து வேலை செய்ய ஆரம்பிச்சார். கிச்சனை அளந்துட்டு, அவுங்க 'க்வோட்' சின்ன இடத்துக்குத்தான்
கொடுத்தாங்களாம். இப்ப இடம் பெருசா இருக்காம். அதனாலெ இன்னும் கூட காசு ஆகும். என்ன சொல்றிங்கன்னார். எவ்வளவு ஆகும்ன்னா இன்னும்
50 டாலர் கூடவாம். இவர் ஊர்லே இல்லே. நீங்க வேலையைச் செய்யுங்க. அப்புறம் செட்டில் செய்யலாம்ன்னு சொன்னேன். எவ்வளவு
நேரம் ஆகும்ன்னா ஒரு மணி ஆகுமாம். ப்ளானைப் பார்த்துட்டுத்தானே க்வோட் செஞ்சாங்க. இப்ப இப்படி........................

நம்ம ஆன்ட்ரூ வந்து வெளியே ஹீட் பம்ப்புக்கு மெஷின் வச்சிகிட்டு இருக்காரு. லிவிங் ஏரியாவுக்குப் போட்டது ரொம்பப் பெருசு.
அதோட மெஷினே 'பூதம்' போல இருக்கு. பாத் ரூம் ஜன்னலுக்குக் கீழே வையுங்க. பக்கத்திலே படுக்கை அறை இருக்கு. அந்த
ஜன்னலை ஒட்டி வைக்க வேணாம்ன்னு சொன்னேன். லவுஞ்சுக்கானச் சின்ன மெஷீனை அடுக்களைப் பக்கமா வச்சாங்க.

பில்டர், கதவுப் பூட்டுக்குப் போடற ஒரு ப்ளேட் தப்பா இருக்கு. அதை மாத்தணும்ன்னு சொன்னார். அதை வாங்கிக்கிட்டு போற வழியிலேயே
ரமண் பையா, எலிநோர், ஃபர்ஸ்ட் வீட்டுப் பாட்டி இவுங்களுக்கு கிறிஸ்மஸ் கார்டை அவுங்கவுங்க வீட்டு மெயில் பாக்ஸ்லே போட்டுட்டு (ஸ்டாம்ப் செலவை மிச்சம் பண்ணறேனாம். பெர்சனல் டெலிவரி )
நாப்ஸ் அண்ட் நாக்கர்ஸ் போய் அந்த ப்ளேட்டை மாத்திக்கிட்டு, பில்டர்கிட்டே கொண்டுபோய் கொடுத்தேன்.

அப்ப நம்ம 'ப்ரிஜெட் டெய்லர்' அங்கே வந்தாங்க. என்னன்னா, அந்தப் பக்கம் வந்தேன் அப்படியெ உங்க வீட்டைப் பார்க்கலாம்ன்னு இங்கே வந்தேன்னு சொன்னாங்க. இவுங்க இந்த ஏரியாவிலே பேர்போன ரியல் எஸ்டேட் ஏஜெண்ட். வீட்டை விக்கணுமுன்னா எங்கிட்டே சொல்லுன்னு எப்பப் பார்த்தாலும் சொல்வாங்க. இங்கெ இருந்து வேற இடம் போனாத்தானே?.
இருக்கற விட்டை வித்துட்டு நான் எங்கே போவேன். நல்ல காலம் வந்தாச் சொல்றேன்னு சொல்லிக்கிட்டு இருப்பேன்.

உள்ளே கூட்டிட்டுப் போய் காமிச்சேன். அவ்வளவுதான். நல்லா இருக்கு. ரொம்ப நல்லா இருக்கு. எனக்கு வேணும் இந்த வீடுன்னு
சொன்னாங்க. நான் உடனே இந்த வீட்டை வித்தா எவ்வளவு வரும்னு கேட்டேன். 450. அதெப்படி அதுக்கு மேலே ரொம்ப செலவாயிடுச்சேன்னு
சொன்னேன். நிறைய காசுக்கு விக்கலாம். மில்லியன் டாலர்கூடப் போகும் அப்படின்னாங்க. இந்த ஏரியவுலே மில்லியன் டாலர் வீடு
யாரு வாங்குவாங்கன்னேன். எல்லாம் ஆளு இருக்குன்னு சொல்லிட்டு, வீடு நல்லா இருக்குன்னு சொல்லிச் சொல்லி மாஞ்சு போனாங்க.
கண்ணேறு கழிக்கணும்!

அப்புறம் போறப்ப, 'இங்கே குடிவந்த பிறகு அந்தப் பழைய வீட்டை நான் நல்ல விலைக்கு வித்துத் தரேன்'னாங்க. அப்பப் பார்க்கலாம்.

நானும் கடைக்குப் போய் இந்தப் பசங்களுக்குச் சாப்பாடு வாங்கிகிட்டு இருக்கறப்ப இவர் ச்சீனாலெ இருந்து கூப்பிட்டார். விஷயம் சொன்னேன்.
வீட்டுக்கு வந்து சாப்பிட்டுட்டு மூணரைக்குப் போனேன். இவர் எழுதிக்கொடுத்த 'ஒர்க் ஆர்டர் நோட்' எங்கியோ வச்சுட்டேன். இப்பக் காணோம்.
அதை தேடிக்கிட்டே நேரம் போயிருச்சு. நாலு மணிக்கு பில்டர் வேலையை நிறுத்தியாச்சு. நாளைக்கு காலையிலே ஏழரைக்கு வராராம்.
டவுன் பைப் பத்திக் கேட்டேன். இவருக்கு டைம் இல்லையாம் வேற ஆளு வருமாம். வெள்ளைக்கலர் பி.வி.சி. போடுங்க. நாம கலர்
அடிச்சுக்கலாம்ன்னு சொன்னேன்.

தொடரும்...............

வீடு 'வா வா'ங்குது ! பகுதி 29

பாலீஸ்டைரீன் பிள்ளையாருக்கு நேத்தே வெளியே இருக்கற மஞ்சள் அடிச்சு நல்லா காய விட்டு இருக்காங்க. இன்னைக்கு அதுலெ புள்ளையாருக்குமட்டும் ஸ்டீல் க்ரே அடிக்கணும். முன் கதவுக்கும் இன்னைக்கு வாக்ஸ் போடறாங்களாம். ப்ளம்பர் வரவே இல்லை! ஃபோன் போட்டா, மத்தியானம் 2.30 வரேன்னு நியூஸ் கிடைச்சது, வந்தாத்தான் உண்டுன்னு. பாத்ரூம் ஸ்டஃப் எல்லாம் வந்து இறங்கியிருக்கு!

திடீர்ன்னு எனக்கு அங்கெ போகணும்னு தோணிச்சு. அங்கே போனா அப்பத்தான் நம்ம புள்ளையாரை பொருத்திக்கிட்டு இருக்காங்க! சரியான சமயத்துக்குப் போயிட்டேன். நல்லா இருக்கு. ஆனா நமக்குத்தான் அது புள்ளையார். மத்தவங்களுக்கு அது ஏதோ ஒரு டிஸைன்!

இன்னும் கவனிச்சுப் பார்த்தா அது ஹனுமார் மாதிரியிருக்கு. 'பிள்ளையார் பிடிக்கக் குரங்காய் ஆனது' என்றது இதுதானோ?

கதவுக்கு 'ஸ்டீல் வுல்' போட்டுத் தேச்சு, அதுக்குமேலே சிடி50ன்னு ஒரு எண்ணெய் தேய்க்கணுமாம். டோனி அதுதான் நம்ம பெயிண்டர் அதை எப்படிச் செய்யணும்ன்னு காமிச்சார். கதவு நல்லா மின்னுது!

சாயந்திரம் வழக்கம்போல கிங் வந்து கொஞ்சம் வேலை செஞ்சார்.

சென்ட்ரல் வாக்குவம் க்ளீனருக்கு அடுக்களையிலே ஒரு 'இது' வச்சிருக்குல்லே' அது'க்கு ஸ்டீல் ப்ளேட் கட் செய்யறதுக்கு மார்க் பண்ணிட்டுப் போனார்.

15/12
இன்னைக்கும் பலதடவை போகும்படி ஆச்சு! எத்தனை முறைன்னு கணக்கே இல்லை! லைட்டுங்கல்லாம் போட ஆரம்பிச்சாச்சு! பெயிண்டருங்க லாஸ்ட் மினிட் வேலையிலே இருக்காங்க.

'ரெப்டைல்ஸ்' லே போய் டைல்ஸ் நாங்களே கொண்டுவந்தோம். ரெண்டு கிலோ மீட்டர் தூரத்துலேதான் இருக்கு கடை. டெலிவரி சார்ஜ் 50 $ நமக்கு லாபம் ! அர்பன் டைல்ஸ் போய் இன்னும் நடுவிலே போடற இன்செட்க்கு ச்சும்மா 5 தான், பணம் கட்டியாச்சு! லாண்டரிக்கு டைல்ஸ் (கருநீலம்) ஏற்பாடு செஞ்சாச்சு!

சென்ட்ரல் வேக் ஆளுங்க வந்து யூனிட் வச்சிட்டாங்க. அப்புறம் போய்ப் பார்த்தா, நல்லா பெயிண்ட் அடிச்சு முடிச்ச சுவத்துலே ரெண்டு ஓட்டை! கராஜ்லே இருக்கவேண்டிய இன்லெட் காணவே காணோம்!

பெயிண்டர் டோனி ஃபோன் செஞ்சார். நாளைக்கு 10 மணிக்கு 29 லே பார்க்க முடிவாச்சு. கொஞ்சம் டிஸ்கஸ் செய்யணுமாம். திரும்பத் திரும்ப ஓட்டைகளை அடைக்கறதாலே பெயிண்ட் செஞ்சுக்கிட்டே இருக்கமுடியாதுன்னு சொல்லப்போறாரோ?

சாயந்திரம் கிங் வந்து ஸ்டீல் தகடு போட்டாச்சு. இன்னும் கொஞ்சமே கொஞ்சம்தான் பாக்கி! 20 டைல்ஸ் கொண்டு போயிருக்காரு. தரையில் முடிக்கும் இடங்களுக்கு அளவா வெட்டிக் கொண்டுவருவாராம். ஃபேக்டரியில் வெட்டுனாத்தான் பிசிறில்லாம இருக்குமாம்.

வீட்டுக்கு வெளிப்புறச் சுவர்களில் பெயிண்ட் வேலைகள்
முடிச்சிட்டாங்க! அதுக்குத்தான் தனி ஒப்பந்தக்காரர்களாச்சே.

16/12
பத்துமணிக்குத்தான் போனேன். இவரு காலையிலேயே 'ஷாண்டிலியர்' போடணும்ன்னு கொண்டு போயிட்டார். சென்ட்ரல் வேக் ஆளுங்க வந்தாங்க. சுவத்துலே ஓட்டை அவுங்க தப்பில்லையாம். ஜிப் ஆளுங்க அப்படித் தப்பாப் போட்டுட்டாங்களாம். கராஜ்லெயும் ஓட்டையை அடைச்சது அவுங்கதானாம். அது எங்கேன்னு கண்டுபிடிக்கறது இப்பக் கஷ்டமாம். ஒண்ணு அங்கே சுவத்துலே பெரிய ஓட்டை(!) போட்டுக் கண்டுபிடிக்கலாமாம். இல்லேண்ணா, மேலே போய் அங்கே போகற ஹோஸை முழுசா அடைச்சிடலாமாம்.
என்ன வழின்னு மண்டையை உடைச்சுக்கிட்டே 3 பேரும் நின்னாங்க. நம்ம பெயிண்டர் டோனிதான் ஐடியாக் கொடுத்தாரு. அவுங்க அந்த யூனிட்டை ஆன் செஞ்சவுடனே 'சக்' பண்ணற சத்தம் வருமில்லே அது எங்கே வருத்துன்னு சுவத்துலே காது வச்சுக் கேட்டு ஒரு ஸ்க்ரூ ட்ரைவராலே ஒரு ச்சின்னக் குத்து! அப்படியே அந்த இன்லெட்டைக் கண்டுபிடிச்சுட்டார். வெல்டன் டோனி!!!!!!!

நாளைக்கு வந்து ச்சின்ன சின்ன ஓட்டைங்களை அடைக்கறதாவும், கதவுக்கு இன்னோரு கோட் எண்ணை அடிக்கறதாகவும் சொன்னார். இவர் சாப்பிட வந்தப்ப அவுங்க வந்தாங்களாம். செக் கொடுத்துட்டாராம். ரொம்ப நல்ல டீம்! நல்லா பழுதில்லாம, முகம் சுளிக்காம வேலை செஞ்சாங்க!

மத்தியானம் சாப்பிட்டுட்டு கொஞ்சநேரம் கம்ப்யூட்டர்லெ உட்கார்ந்தப்ப, சட்டுன்னு என்னவோ ஒரு தோணல். உடனே அங்கே போனா, கேரி லைட்டுங்களைப் போட்டுக்கிட்டு இருக்காரு. நம்ம 'வாட்டர் ஃபால் ஷாண்டிலியர்' என்ன உயரத்துலே இருக்கனும்னு கேட்டார். உயரம் சொன்னேன். அப்புறம் அதை எப்படி செட் செய்யணும்ன்னு கேட்டுக்கிட்டே அந்த பாக்ஸைப் பிரிச்சவர் கிறிஸ்டல்களைப் பார்த்தவுடனே திகைச்சுப் போயிட்டார். நான் செட் பண்ணறேன்னு சொல்லி அதை நம்ம ஊஞ்சல் கொக்கிலே கட்டிவிட்டு, பொறுமையா செட் செஞ்சேன். குட்டிச்சாத்தானுக்கு வேலை கொடுத்தாச்ச்சு:-))))

ஹீட் பம்ப் போடற ஆளுங்க இன்னைக்கே வரேன்னு சொன்னாங்களாம். ஆண்ட்ரூன்னு ஒரு பையன் வந்து போட்டுக்கிட்டு இருந்தாரு.மொத்தம் மூணு இடத்துலே ( முட்டாளுக்கு மூணு இடமோ?) போடணுமே.

லவுஞ்சிலேயும், மாஸ்டர் பெட்ரூம்லேயும் ஆச்சு. லிவிங்ரூம் பாக்கி. அப்பால அலாரம் செட் செய்ய 'லையோனில்' வந்து செட் செஞ்சாச்சு. வெளியே போறப்ப 60 உள்ளெ வர 30 விநாடிகள்!

அதுக்குள்ளே பில்கிங்டன் க்ளாஸ் ஜன்னல் கண்ணாடி போட வந்தாங்க. நல்ல வேளை போட்டு முடியட்டும்ன்னு இருந்துச்சு!

அப்ப நம்ம கிங் ஃபோன் செஞ்சு, இன்செட் டைல் வேணும்ன்னு சொன்னாரா, நான் அர்பன் டைல்ஸ் போனேன். நம்ம அதிர்ஷ்டம் பாருங்க, நாம் தேர்ந்தெடுத்தது இப்ப கிடைக்கறதில்லையாம்! காசு எல்லாம் கொடுத்திருக்கு, ஆனா இப்ப இந்த மாதிரி சொன்னா?

நாம எது கேட்டாலும் அங்கெ வேலை செய்யற பொண்ணு 'அன் ஃபார்ச்சுனேட்லி' ன்னு சொல்லியே கழுத்தை அறுக்குது! அஞ்சு டைல்ஸ்க்கு 60$ கொடுத்திருக்கு. 'அன் ஃபார்ச்சுனேட்லி' அவுங்க செக்காத்தான் அனுப்புவாங்களாம்! நம்ம கிட்டே காசா வாங்கிக்கிட்டாங்க! சரி. இருக்கட்டும், லாண்டரிக்கு டைல்ஸ்க்கு பே செய்யறப்ப அட்ஜஸ்ட் செய்யலாம்ன்னு வந்துட்டேன்

அப்ப இவர் போன் செய்யறாரு, ஷவர் போட ஆள் வந்திருக்குன்னு. சரின்னு திரும்ப வரும்போது, வீட்டுக்குப் போய் பல்புகளை எடுத்துகிட்டுப் போனேன். கேரி கேட்டிருந்தாரு.

ஷவர் ஆளு 'ரேமண்ட்' நல்ல மாதிரி. இப்ப இன்னோரு ப்ராப்ளம்! ஷவர் வால்லே சோப் வைக்க ஒரு மோல்டட் டிஸைன் இருக்குல்லே. அது ஏற்கனவே போட்ட பைப் லைனைத் தட்டுது! இப்ப ப்ளம்பருக்கு எங்கே போறது? அதுக்கு அந்த ரேமண்டே ஒரு வழி சொன்னாரு. நான் வேணா நகர்த்திப் போடவா? ஜிப்பைக் கட் செஞ்சு பைப்பை இழுத்துட்டு, திருப்பி ஜிப்பை ஒட்டறென்னு. எவ்வளவு காசு? 30 டாலர். 'சரி, செஞ்சுருப்பா'! வேலை முடியணுமே!

இப்ப கெரிக்கு ஒரு ப்ராப்ளம். லவுஞ்க்கு கிறிஸ்டல் கோர்த்துக் கொடுத்தது 18. அதுலெ ஒண்ணு சரியாப் போகலையாம் . என்னவோ அடைச்சதுபோல!அதுக்கு ஒரு ஆணியிலே ஓட்டையைப் பெருசு பண்ணலாம்ன்னு பார்த்தப்ப இன்னோரு கிறிஸ்டல் கீழே விழுந்து உடைஞ்சிடுச்சு!

கிறிஸ்டல் என்ன பெரிய கிறிஸ்டல் எல்லாம் ப்ளாஸ்டிக்தான்!ஆனா அதோட குழல் கண்ணாடி! கீழே கார்பெட் இருந்திருந்தா ஒருவேளை தப்பி இருக்கும். இன்னும் சிமெண்ட் தரைதானே. பளார்ன்னு தெறிச்சிடுச்சு! அதுக்கு ரீப்ளேஸ்மெண்ட் கிடைக்குமான்னு நாளைக்குப் பார்க்கணும்! கிடைச்சா வாங்கிருங்க. நான் அதுக்குண்டான காசைக் கொடுத்துருவேன்னு சொன்னார்.

கிங் 5 மணிக்கு வந்தாரு. கூடவே அவர் மனைவி காத்தரீனும்! நல்ல பொண்ணு..டைல் கிடைக்காத விஷயம் சொன்னேன். நாளைக்கு மறுபடியும் டைல்ஸ் வேட்டை! வாஷ் பேஸினுக்கு விலை குறைக்கச் சொல்லியிருக்கேன். பார்க்கலாம்!

இவர்வேற ரெண்டுவாரம் இருக்க மாட்டாரா............. அதுவே ஒரு கவலையா இருக்கு. என்னென்ன 'கடுபடு' பண்ணி வைக்கப் போறேனோ!

தொடரும்......................

==================