கிடைக்கிறது......

கிடைக்கணுங்கிறது கிடைக்காமப் போகாது. கிடைக்காதுன்னு இருக்கறது கிடைக்காது.


ஞாயித்துக்கிழமை மத்தியானமா கடைக்குப் போலாமுன்னு கிளம்பிப் போய்க்கிட்டு இருக்கோம்.நம்ம வண்டிக்குப் பின்னாலெ வர்ற வண்டியிலே இருந்து ஹார்ன் அடிச்சு சிக்னல் கொடுக்கறாங்க.இங்கெல்லாம் ஹார்ன் சத்தம் கேக்கறதெ அபூர்வம். ஆம்புலன்ஸ் வண்டி ஹார்ன் சத்தம்தான் 'உய்ங் உய்ங்'ன்னு அடிக்கடி கேக்கும்.


'அடக் கடவுளே, யாருக்கோ ஆபத்து போல இருக்கே. உதவி வந்துக்கிட்டு இருக்குன்னு சொல்லிஅவுங்களைக் காப்பாத்து'ன்னு வேண்டிக்குவேன்.


இது என்னடா நமக்கே சிக்னல்?னு எங்க இவர், வண்டியை ஓரம் கட்டுனார். பின்னாலே வண்டியும் ஓரங்கட்டுனாங்க. இறங்கிப் போய்ப் பார்த்தா, கொஞ்சம் வயசான அம்மா ஓட்டுனர் இருக்கையிலே.


'உங்க வண்டியோட ஹப் தெறிச்சு ஓடுச்சு. நான் பார்த்தேன். அதான் சொல்லலாமுன்னு' சொன்னாங்க.


அடடா...' ரொம்ப தேங்க்ஸ்' னு சொல்லிட்டு வண்டியைச் சுத்தி(!)ப்பார்த்தா... ஆமாம். பாஸஞ்சர் பக்கம் முன் வீல் ஹப் காணொம்.

இதுக்கு முன்னே ரெண்டு தடவை ஹப்ங்க காணாமப் போயிருக்கு. ஏர்ப்போர்ட்லே பார்க் செஞ்சுட்டுமறுநாள் எடுத்தப்ப இப்படி நடந்திருக்கு. அப்புறம் விசாரிச்சதுலே இந்தத் திருட்டு(!) கொஞ்ச நாளாநடக்குதுன்னு சொன்னாங்க. செக்யூரிட்டி கெமரா எல்லாம் வச்சிருக்காங்கதான். ஆனாலும் இப்படி நடந்துக்கிட்டு இருக்கு.


இங்கே இதுக்குன்னே ( திருட்டுக்கு இல்லைங்க) ஹப்ங்களுக்குன்னே ஒரு கடை இருக்கு. ரெக்கர்ஸ்கிட்டே இருந்து நல்ல நிலமையில் இருக்கறதை வாங்கிவச்சு விக்கறாங்க. நாங்களும் அந்தக் கடையைத்தேடிப்போய் ரெண்டுதடவை வாங்கியும் போட்டோம். டொயோட்டா வண்டிகளுக்கு ரெக்கர்ஸ் கிட்டே வாங்குனாகொஞ்சம் விலை குறைவாச்சேன்னு போனா, நமக்குக் கிடைக்கவே கிடைக்கறதில்லை. நல்ல டிமாண்ட் இருக்காமே.


போனவழியாவே திரும்ப வந்து பார்த்தோம். எங்காவது இடது பக்கம் உருண்டோடியிருக்கணுமே! ஒண்ணையும்காணொம். இன்னொரு ரவுண்டு வந்தோம். ம்ஹூம். நம்ம தெரு, மெயின் ரோடு வந்து சேர்ற இடம்வரை ஒருக்காவும்,திரும்ப விட்டு வாசல்வரைக்கும் இன்னொருக்காவும் வந்து பார்த்தாச்சு.


இதெ நீங்க படிக்கிற நேரம்கூட ஆகியிருக்காது, நாங்க விவரம் கிடைச்சு வந்து பார்த்தது. எங்கே போயிருக்கும்?இதுவோ நாலு லேன் ரோடு. நடுவிலே மீடியன் ஸ்ட்ரிப் இருக்கு. நம்மூர் கார்டன் சிடின்றதாலே கொஞ்சம் இடம் கிடைச்சாலும் புல்லும், மரமும் நட்டு வச்சிரும் நகர சபை.


இனி தேடிப் பயன் இல்லை. நேரம்தான் போகுது. நாளைக்கு அந்தக் கடையிலே 20$ கொடுத்து ஒண்ணு வாங்கிப் போட்டுரலாமுன்னு முடிவு செஞ்சுட்டு, கடைகண்ணி எல்லாம் சுத்தி மூணுமணி நேரம் கழிச்சு வீட்டுக்கு வந்துக்கிட்டு இருக்கோம்.


நம்ம வீட்டுக்குக் கிட்டே மெயின் ரோடுலே வரும்போது, மனசும் கண்ணும் சொன்ன பேச்சைக் கேக்கமாட்டேங்குது.திரும்பத் திரும்பக் கீழே விழுந்து காணாமப்போன ஹப்பையே வட்டம் போடுது. தாங்க முடியலைப்பா இந்த இம்சை.கொஞ்சம் மெதுவாப் போங்க, இன்னொருக்காத் தேடலாமுன்னு சொல்லி வாயை மூடலை, அங்கே ரெண்டு பக்க லேனுக்கும் நடுவிலே மீடியன் ஸ்ட்ரிப்லே இருக்கற புல்தரையில் என்னவோ 'க்ரே'யாத் தெரிஞ்சது.
வண்டியை ஓரங்கட்டிட்டுப் போய்ப் பார்த்தா, நம்ம ஹப்தான்! இடது பக்கம் கழண்டது ரெண்டு லேன் எதிர்ப்புறமாத் தாண்டி இங்கே எப்படி வந்துச்சு?


இப்ப முதல் வரி உறுதியாயிருச்சு:-))))

'கிடைக்கணுங்கிறது கிடைக்காமப் போகாது. கிடைக்காதுன்னு இருக்கறது கிடைக்காது.'

இதெல்லாம் ஒரு பதிவான்னு யாரும் அடிக்கமாட்டீங்கன்ற ஒரு நம்பிக்கைதான்.

வாழ்க்கையின் முக்கியமான உண்மை அதான், 'கி.கி.போ.கி.இ.கி'ன்றது தெளிவாயிருச்சுல்லெ!