முதல்முதலில் முழுசாப் பார்த்தோம்............(அலாஸ்கா பயணத்தொடர்...... பாகம் 20 )

சின்னப்பாலம் வழியாகக் கரைக்குப்போறோம். பாதிவழியில் நின்னு திரும்பிப்பார்த்தால்.........  ஹா....  முதல்முறையாக நம் கப்பல் முழுசாக் கண்ணுக்குத் தெரியுது !

இதுநாள்வரை வலையிலும் கப்பல்கம்பெனி அனுப்பிவச்ச தகவல்களிலும் பார்த்தது.... இப்ப நம் ஊனக்கண்களுக்கு தரிசனம் ஆச்சு !  

 

பாலம் கடந்து தரைக்கு  வந்தால்   பத்தடிக்கு அந்தாண்டை கோண்டாலா ஸ்டேஷனில் சனம் வரிசையில்.  ஹூனா கேனரி, ஷாப்பிங், ரெஸ்ட்டாரண்ட் & இன்னபிற இருக்கும்  ஓஷன் லேண்டிங் போகலாமாம்.  வெறும் நாலே நிமிட் ரைடுதான்.  நம்ம முறை வந்ததும் நாமும் கூண்டில் ஏறி உக்கார்ந்தோம். நல்ல ஏத்தம் ! கீழே சின்னக்காடு! நானும் சின்னதா ஒரு வீடியோ எடுத்தேன்.

மேலே லேண்டிங் நல்ல பெருசாவே இருக்கு, ரெஸ்ட்ரூம் உட்பட சிலபல வசதிகளுடன். இருக்கட்டுமுன்னு க்ளிக்கிக்கிட்டே நடக்கும் சனத்தை நாமும் தொடர்ந்து போறோம். நல்லவேளை,  வன்கூவரில் புது ஷூ  வாங்கியது. நடக்க எளிதாக இருக்கு.  கேனரின்னு அம்புக்குறி போட்டுருப்பதைப் பார்த்தவுடன், அலாஸ்கா பறவைகள் எப்படி இருக்குமோன்னு  மனசுக்குள்  ஒரு துடிப்பு. 

கொஞ்சதூரத்தில்  Orca  வகை திமிங்கிலத்தின் சிலை !  நாம் Killer Whale னு சொல்றோமே அதேதான் !   Tlingit  என்ற குழுவினர் வாழும் இடம் இந்தப்பகுதி. அவர்கள் மொழியில் கீட் என்று இந்த வகைத் திமிங்கிலத்துக்குப் பெயர்.  In the Tlingit language, Keet means    ORCA .   இந்த சிலையே இப்போ ஒரு மூணு வருஷத்துக்கு முன்னாலேதான்  நார்வேஜியன் க்ரூய்ஸ்  கம்பெனியின்  பரிசாக கிடைச்சுருக்கு ! கீட்டுதான் இப்போ ஃபொட்டோ பாய்ண்ட் என்பதால்  எல்லோரும் க்ளிக்கோ க்ளிக்ஸ்தான். 

கொஞ்ச சனம் ஆகாயத்தைப் பார்க்குதேன்னு நாமும் அந்தப் பக்கம் கண்ணை ஓட்டினால்..... அம்மாடி !  பெரிய திருவடி !  பெருமாளை அங்கே எங்கியோ இறக்கிவிட்டுட்டு, இவர் ரெஸ்ட் எடுத்துக்கிட்டு இருக்கார்!  பெருமாளுமே Whale Watching போயிருக்காரோ !  மச்சாவதாரம் நினைவுக்கு வந்துருக்குமோ ? 

இல்லை... பொழுதன்னிக்கும் இவ கூப்ட்டுக்கிட்டே  இருப்பாளே.... எப்ப கூப்பிட்டாலும் உடனே உதவிக்குப் போயே ஆகணும் என்பதால் கூடவே நம்மோடு சுத்திக்கிட்டு இருக்காரோ என்னவோ !

இந்தப் பகுதி முழுக்க , (The Huna, a Tlingit tribe, have lived in the Icy Strait area for thousands of years.) அலாஸ்காவின் பூர்வகுடிகள் பங்குதாரர்களா இருக்கும் ஹூனா டோட்டம் கார்ப்பரேஷன் என்ற  அமைப்புக்குச் சொந்தம். இவுங்க முன்னோர்களே Glacier Bay ன்ற இடத்தில்  இருந்தவங்க, Little Ice Age காலத்தில்  க்ளேஸியர் வளர்ந்து இடநெருக்கடி ஆனதால் இங்கே  ஹூனாவில் வந்து குடியேறிட்டாங்களாம். ஹூனா என்ற பெயர் இவுங்க வச்சதுதான். வடக்குக் காத்து வராத இடம் என்று பொருளாம் ! இந்தப் பகுதியின் இப்போதைய சனத்தொகை 765 பேர். நிலப்பரப்பளவு  7.3 சதுர மைல். 

நமக்கு வலப்பக்கம் கீழே  கடல். இடப்பக்கம்  ஒரு ஏழெட்டு வீடுகள். தனியார் 

குடியிருப்புகள். மரப்பலகையால் பாதை போட்டுருக்காங்க. Bபோர்ட் வாக் !  கீழே கடற்கரைக்கு இறங்க அங்கங்கே படிக்கட்டுகள்!  சுத்திவர பனி மூடிய மலைகளும் காடுகளும், கடலுமா அழகான இடம் !     

ரெஸ்ட்டாரண்ட் டென்ட்டுகளில் சமையல், சாப்பிடும் மக்களுக்கான இருக்கைகள்னு எல்லாமே மரப்பலகை தளத்தில்தான்.  அடுத்துவந்த ஒரு பெரிய மரக்கட்டடம், வாசலில் டோட்டம் தூண்!

ஏகப்பட்ட  கைவினைப்பொருட்கள். எல்லாம்  பயணிகளுக்காக செஞ்சு வச்சுருக்கும் நினைவுப்பொருட்கள். மரத்தால்  செஞ்சவை என்பதால் நாம் ஒன்னும் வாங்கிக்கலை. இங்கே நம்மூரில் மரப்பொருட்கள் கொண்டுவந்தால் , அது நம்ம வீட்டுக்கா  இல்லை ஏர்ப்போர்ட் குப்பைத்தொட்டிக்கான்னு  தெரியாது.  இல்லைன்னா ஃப்யூமிகேஷன் பண்ணுவாங்க, நம்ம செலவில்.   இந்த நிச்சயம் இல்லாத நிலையில்தான்  இருக்கோம். இங்கேயே ஒரு சிவப்பிந்தியர்  மரச்சிலை ரெண்டு மூணு மாசத்துக்குமுன் கடையில் ஆப்ட்டது.  வாங்கிவந்து வச்சுருக்கேன்.   

அந்தாண்டை இருக்கும் பெரிய ஏரியாவுக்கு வந்துருக்கோம்.  இங்கேயிருந்து ஊருக்குள் போக  ஷட்டில் பஸ் இருக்கு.  ஆளுக்கு அஞ்சு டாலர் டிக்கெட் போகவர.   ரெண்டு கிமீதூரம்.  நடக்க முடிஞ்சவங்க கடற்கரையோரமாகவே நடந்தும் போறாங்க.  டிக்கெட் என்றது ஷட்டில்னு போட்ட பட்டை. அதைக் கையில் போட்டுக்கணும். 

அதைக் காமிச்சுட்டு வண்டியில் ஏறிக்கலாம்.  அஞ்சாறு நிமிட்லே ஹூனா ஸிட்டிக்கு போயிட்டோம்.  சின்ன ஊர்தான்.  கூட்டமே இல்லையே.... ஒரு ஏழெட்டு கடைகள் , பப், ரெஸ்ட்டாரண்டு, சர்ச், பள்ளிக்கூடம்  இப்படி..... கொஞ்சம் சுத்திப்பார்த்தோம். 

டோட்டம் தூண் செதுக்குமிடத்தில் பாதி வேலையில் இருக்கார் Gordon Greenwald !

எங்கூரில் களைன்னு சொல்லிப்பிடுங்கிப்போடும் டாண்டிலியன் செடிகள் இங்கே மானாவரியாப் பூத்துக்குலுங்குது ! 

செல்லம் ஒருத்தன் எங்க 'சடச்சு'வை ( ஃபிஜி)நினைவுபடுத்தினான். 

ஊர்  முழுக்க எங்கே பார்த்தாலும் டோட்டம் போல்ஸ்தான் !

ஆச்சு, நம்ம ஊர் சுத்தல். திரும்ப பஸ் பிடிச்சாச்சு. சின்னதா ஒரு வீடியோவை ஃபேஸ்புக்கில் வலையேத்தி, இங்கே லிங்க் கொடுத்துருக்கேன் ! 

https://www.facebook.com/1309695969/videos/789241183079926/

பஸ்ஸில் இருந்து இறங்கி அந்த பெரும்வெளியின் வழியாகப் போறோம். உள்ளூர் மக்கள்  ஆடும்  ட்ரைபல் நடனம்  இங்கே நடக்குதாம்.  உண்மையில் நாம் பஸ் பிடிக்க  இதுவழியாப் போனப்ப, இன்னும் ஒரு பத்துநிமிட் காத்திருந்தால் பார்த்துட்டே போயிருக்கலாம். என்னவோ அப்போ தோணலை.  இப்போ பார்க்கணுமுன்னா... இன்னும் ஒரு ஒன்னேகால் மணி காத்திருக்கணும். ஒரு மணி நேர ஷோவாம்.  ப்ச்.... வேணாமுன்னு இருந்தோம்.

திரும்ப, அந்த கேனரி ம்யூஸியத்தில் நுழையறோம். என்னடா இதுவரை பறவைகளையே பார்க்கலையேன்ற யோசனையுடன்  இருந்தவளுக்கு, இங்கே இருந்தவைகளைப் பார்த்தவுடன், அட ராமா.... இந்த 'கேன்'  நரியையா சொல்லி இருக்காங்கன்னு புரிஞ்சது.  ரெண்டு  N ஐ நான் கவனிக்காம ஒரு N என்று நினைச்சுருந்தேன் ! 

ஸால்மன் மீன்கள்தான் ! பெரிய பிஸினஸ் இது !  1912  லே   இந்த  கேனரி ஆரம்பிச்சு, 1953 வரை செயல்பாட்டில் இருந்துருக்கு.  அதுக்கப்புறம் ச்சும்மா மூடிக்கிடந்த இடத்தை,  இந்த Huna Totem Corporation வாங்கி, ம்யூஸியமாகவும் ஷாப்பிங் ஏரியாவுமா மாத்தியிருக்காங்க ! 

குடியிருப்புகளைக் கடந்து வந்தப்ப, பெரிய அணில்  ஒன்னு வந்து பார்த்துட்டுப்போச்சு !

மணி அஞ்சுதான்.  ஆனாலும்  பார்த்தது போதுமுன்னு கோண்டாவில் வந்திறங்கி, அஞ்சேகாலுக்கெல்லாம்  கப்பலுக்குப் போயிட்டோம். 

வில்டர்னெஸ் பகுதிக்குப் போயிருந்தால்  ZIP Line (மத்தவங்க போறதைப்) பார்த்திருக்கலாம். உலகிலேயே  இதுதான் நீண்ட தூரம் பயணிக்கும் லைனாம்.  1.67 கிமீதூரம்!  2007 ஆம் ஆண்டுதான் திறப்புவிழா ! இந்த ஏழு வருஷங்களில் ரொம்பவே பிரபலமாகிடுச்சு ! 

அஞ்சேகாலுக்குக் கப்பலுக்குப் போயாச்சு.  நுழைஞ்சதுமே  நம்ம அறைச்சாவி கார்ட் வாங்கி ஸ்கேன் செஞ்சு நம்ம வரவைக் குறிச்சாச். அடுத்து  ஒரு ஸ்கேன் மெஷீனில்  நம்ம பை, செல்ஃபோன், கெமெரா, பர்ஸ் இப்படி  எல்லாத்தையும்  வைக்கணும்.  ஏர்போர்ட் செக்யூரிட்டி செக் போல Portable Handheld Security Body Scanner Metal Detector    வச்சு நம்மையும் தனித்தனியா செக் செஞ்சதும் அந்தாண்டை போய் ஸ்கேன் மெஷீன் வழியா  வந்த நம்ம பொருட்களை எடுத்துக்கலாம். விஷமிகள் யாராவது வேண்டாத பொருட்களைக் கப்பலுக்குள் கடத்திக் கொண்டுவரமுடியாது !  ரொம்ப நல்லது.

 

பையை எடுத்துக்கிட்டு நாலடி உள்ளே போகும்போது.... சுடச்சுட மசாலா சாய் கொடுத்தாங்க.  குளிருக்கு நல்ல இதம் ! நம்மூரு தம் டீ அளவுதான்.  குடிச்சுட்டு, அப்புறமா லிஃப்ட் இருக்குமிடத்துக்குப் போனோம். எட்டாம் மாடி !

இன்னும் இன்றைய நாள் முடியலை என்று சொல்லிக்கொண்டு.............    

தொடரும்............ :-)