தொங்குபாலத்துலே இருந்துக் கிளம்புன ஏழாவது நிமிட் க்ரௌஸ் மௌன்ட்டென் ( Grouse Mountain ) அடிவாரத்துக்கு வந்துட்டோம். இந்த டூர் கம்பெனிகள் எல்லாம் பக்கத்துப் பக்கத்துலே இருக்கும் இடங்களை நல்லாவே பார்த்துவச்சுக்கிட்டு அதுக்கேத்தாப்லெ திட்டம் போட்டுடறாங்க இல்லே ? இன்றைக்கு நாம் பார்த்த இடங்களெல்லாம் ஒரு பதினைஞ்சு கிமீ சுத்துவட்டாரத்துலேதான் !
Sky ride (Ropeway ) கட்டடம், மலைக்கு எதுத்தாப்லெ இருக்கு. எல்லோரையும் அங்கே கூட்டிப்போன கைடு, மொத்தக்குழுவுக்கும் டிக்கெட் வாங்கிவந்து எல்லோருக்கும் கொடுத்தாங்க. டிக்கெட்லே கரடி ! என்னைப்பார்த்தால் சின்னப்புள்ளெயாட்டமா இருக்கு ? இருக்குமோ !!! கரடி வுட்ருக்காங்க பாருங்க..... அட்ஜஸ்ட்மென்ட்டா இருக்க வாய்ப்பில்லை.... நம்மவருக்குக் கிடைச்சுருக்கே ! ஒருவேளை அடல்ட் டிக்கெட்ஸ் தீர்ந்துபோச்சோ என்னவோ !
ஒவ்வொரு காமணிக்கும் கேபிள்கார் பொட்டி கிளம்புதுன்னு சொன்னாலும், மேலே போய்ச் சேர எட்டு நிமிட் ஆகுதுன்ற கணக்கில் இருவது நிமிட் ஆகும்தான். பொட்டி வந்து இறங்கும்போது பார்த்தால்... இதே மாதிரி ஒன்னில் நாம் பத்ரிநாத் பயணத்தில் ஜோஷிமட் என்ற இடத்தில் ஒளலிக்கு போயிருக்கொம்லெ !!!
https://thulasidhalam.blogspot.com/2017/06/15.html
மேலே போகும்போது பார்த்தால்... இன்னொரு லைன் போடும் வேலை நடக்கறது தெரியுது. சின்ன வீடியோ க்ளிப் எடுத்தது இங்கே. ஃபேஸ்புக்கில் போட்டதின் லிங்க்.
https://www.facebook.com/1309695969/videos/498466199316189/
பெருமாள் வந்துருக்கார் நம்ம கூடவே !
ஒரு பெஞ்சு மேலே ஏறி நின்னு, எங்களையெல்லாம் பார்த்து 'இந்தாண்டை அந்தாண்டைன்னு எல்லாத் திசைகளிலும் என்ன இருக்குன்னு சொன்னதோடு 'நீங்கெல்லாம் போய்ச் சுத்திப்பார்த்துட்டு இதே இடத்துக்கு நாலேகாலுக்கு வந்துருங்க. சரியான நேரத்துலே வந்தீங்கன்னா.... இன்னொரு இடத்துக்குப் போகலாம். சர்ப்ரைஸ்'னாங்க கைடு.
க்ரிஸ்லி கரடி( Grizzly Bear ) இருக்குன்றதுதான் எனக்கு சுவாரஸ்யம். முதலில் கரடி இருக்குமிடத்துக்கு... நடக்கறோம். ஷூ இருக்கும் நிலையில் ரொம்பக் கவனமா அடியெடுத்து வைக்கணும். மறந்துறக்கூடாதுன்னு மனசுக்குள் சொல்லிக்கிட்டே போறேன். குளிர்காலத்தில் விழுந்த பனித்துகள்கள் எல்லாம், பாதையைச் சுத்தப்படுத்த ஓரமாத்தள்ளிவிட்டதுலே கட்டிபிடிச்சுக்கிடக்கு. உருகி விழும் பனிக்கட்டிகளை ஒதுக்கித் தள்ளிக்கிட்டு இருக்கார் ஒரு ஊழியர். இன்னும் கொஞ்சம் உயரமா இருக்கும் மலைமுகடுகளில் பனியின் அடையாளம். அங்கே போய்வர ச்சேர்லிஃப்ட் லைன் இருக்கு.
முழுமரத்தில் சிற்பச் செதுக்கல்கள் அங்கங்கே ! கைகாட்டி மரம் விவரம் காமிக்குது.
கரடி வீட்டாண்டைச் சின்னக்கூட்டம்.....எதிரில் இருக்கும் மரக்கூட்டத்தைப் பார்த்துக்கிட்டு இருக்கு சனம். நாமும் ஜோதியில் கலந்தோம். குளிர்காலத்தில் தூக்கமான தூக்கமா 149 நாள் இருந்துட்டு, இப்பதான் ஒரு வாரமா வெளியில் வந்துருக்குதுங்களாம்.
"ஹை.... என்னையா பார்க்க வந்தீங்க ? "
"ஆமாம்ப்பா !!!"
"வாங்க ......"
"ஏம்ப்பா... எங்கூர்ப்பக்கமெல்லாம் இருக்கும் கரடியும் நீங்களும் ஒன்னுதானா ?"
"இல்லையே.... அதுங்க கொஞ்சம் சின்னதுங்க. உடம்புலே ரோமம் கூட குட்டையா இருக்கும். இங்கே பாருங்க.... நான் எவ்ளோ நீளமான ரோமத்தோடு புசுபுசுன்னு இருக்கேன் ! அதுவும் அந்த ரோமத்தின் கடைசி நுனியில் தங்க நிறம் வேற இருக்கே ! ஏதோ தங்கத்தண்ணியில் தொட்டு எடுத்தாப்லே ! ஆங்.... அப்புறம்... காது..... எங்க காதெல்லாம் அழகா வட்டமா இருக்கும். அதுகளுக்கோ.... நாய்க்காது மாதிரிதான்..."
"அப்ப நீங்கதான் பெரிய உருவமாக்கும் ! என்ன எடையில் இருப்பீங்க ? "
"நான் ஒரு முன்னூறு கிலோவரை இருப்பேன். நம்மாளு.... ஒரு நூத்தறுபது கிலோ தாஜ்மஹல். ஆனாலும் நாங்கதான் உருவத்துலே பெருசுன்னுப் பெருமைப்பட்டுக்க முடியாது. ப்ரவுன் வகைக்கரடி இருக்கு பாருங்க.... அவன் ஒரு அறுநூறு கிலோ வரை இருப்பான். உங்களைப்போல் ரெண்டு காலுலே நின்னால் ஒரு பத்தடி உசரம்"
"அம்மாடியோவ்..."
ச்சும்மாக் கொஞ்சநேரம் அவனோடு பேசிக்கிட்டு இருந்தேன்.....
இங்கே இப்போ இருவர் மட்டுமே இருக்காங்களாம். Grinder & Coola ன்னு பெயர். ஒரே ஜாடைதான் என்றாலும் ஒன்னு வயசில் மூத்ததுன்னு தோணுச்சு. பாதிக்கூட்டம் இங்கேதான். அதோ அங்கே, இதோ இங்கேன்னு சனம் கைகாமிக்கும் இடத்தில் எல்லாம் பார்வையை ஓட்டிக்கிட்டு இருக்கு!
கூட்டத்தைப் பார்த்துக் கோவம் வந்துருக்குமோ என்னவோ.... சரசரன்னு இறங்கித் தரைக்கு வந்தவன் 'இந்தா நல்லாப் பாத்துக்கோ'ன்னு ஒரு நிமிட் நின்னு கண்ணை எங்க பக்கமெல்லாம் திருப்பிட்டு, ' இம்புட்டுதான். ஆட்டம் க்ளோஸ். கிளம்பு, காத்து வரட்டும்'னு..........சரசரன்னு மேலே ஏறிக் காட்டுக்குள் போயிட்டான்.
நீ சொன்னா.............. ஆச்சா.... எங்கே போறேன்னு பார்க்கணுமே.... சின்னச் சின்ன குகை, மரக்கூட்டத்துக்கிடையில்.... யாரோ இருப்பதைப்போல் அசைவு தெரியுது ஆனாலும் ரெண்டுபேரையும் ஒன்னாப் பார்க்கணும் என்ற ஆசை நிறைவேற வழியே இல்லை. தனித்தனியாத்தான் டர்ன் போட்டுக்கிட்டு வந்து காட்சி கொடுக்கறாங்க.
பெருமாள்னு சொன்னது சரிதான் போல.... பெரியதிருவடி தன் காலில் கொத்தாய் பிடிச்சுருக்கும் பாம்புகள் ! ஒரு பக்கம் ஆந்தைகள், தொழிலாளிகள் ன்னு... மரத்துக்கு ஒன்னு.....
ஒரு சின்னச் சதுக்கத்துலே கொஞ்சம் விளையாடிக்கும் வகையில் சில....
Zipline லே தொங்கிக்கிட்டுப் போகலாமாம். போறவங்க போகட்டுமுன்னு அந்தாண்டை இருக்கும் கட்டடத்துக்குள் போறோம். காஃபி, டீ, குடி, நினைவுப்பொருட்கள்னு வியாபாரம். இப்ப நாம் நாலாயிரத்துச் சொச்சம் அடி உயரத்தில் இருக்கோம். தூரத்தில் வான்கூவர் நகரின் காட்சி, கொஞ்சம் மசமசன்னுதான்....
நேரமாச்சுன்னு கிளம்பினால் கைடு , இங்கே காஃபி குடிச்சுக்கிட்டு இருக்காங்க. அவுங்களோடு சேர்ந்தே சொன்ன இடத்துக்கு வந்து, பொட்டியில் ஏறியாச்சு. நல்ல கூட்டம். 100 பேர்வரை ஒரு பொட்டியில் போகலாமாம். அதுலே ஒரு பொட்டி ஆப்பரேட்டரும் சேர்த்தி ! நூறா ? எப்படி ? தீப்பெட்டிக்குள் குச்சிகளை அடுக்கறாப்பலயா ? மூச்சு முட்டாதோ ? இப்ப நூத்துக்கும் குறைவுதான் என்றாலும் இடுக்கமாத்தானே இருக்கு !
முதல்லே உள்ளே வந்தவங்க எல்லோருமே கண்ணாடியாண்டை இடம் புடிச்சதால் நமக்கு நல்ல இடம் இல்லை. ஆனாலும் கொஞ்சம் கிடைச்ச இடுக்கில் ஒரு ஒன் நிமிட் வீடியோ க்ளிப் ஆச்சு :-) கடமை....
அடுத்து அந்த சர்ப்ரைஸ்க்குப் போறோம். வான்கூவர் நகரத்துக்குத் தண்ணீர் விநியோகம் இங்கிருந்துதான் போகுது. க்ளீவ்லேண்ட் அணை. இதைக் கட்டுனதாலேதான் சால்மன் மீன் வளம் குறைஞ்சு போச்சுன்னு காலையில் கைடு சொன்னாங்களே.. அதேதான். கபிலானா ஆற்றில் கட்டியிருக்கும் அணை.
தோட்டத்தின் அடுத்த கோடியில் அணை இருக்காம். காமணியில் போயிட்டு வர்றதா இருந்தா, சீக்கிரம் போங்கன்னதும்..... நம் ஷூ இருக்கும் நிலையில் 'நடக்கற ' வேலையா? நம்மவரைப் போகச் சொன்னால்..... நிறைய அணைகளைப் பார்த்தாச்சுன்னுட்டார். அதுவுஞ்சரிதான் :-)
670 ஏக்கர் பரப்பில் நீர்த்தேக்கம்..... இங்கிருந்தே பார்த்தாச். பெருசுதான் .
கொஞ்சம் அங்கே இங்கேன்னு க்ளிக்கிட்டு ஒரு பெஞ்சுலே உக்கார்ந்திருந்தோம்.
' ஹை.... இங்கியா இருக்கீங்க ? என்ன நல்லாப் பார்த்து வச்சுக்குங்க. உங்க ஊருக்கெல்லாம் நாங்க வரமாட்டோம்'னு சொல்லிட்டுக் கொஞ்சம் நடந்து காமிச்சது. காகா......
கிளம்பி ஊருக்குள் வண்டி நுழைஞ்சப்பச் சரியா அஞ்சரை ! ஹொட்டேலுக்கு வரும்போது அஞ்சு அம்பது. டூர் முடிஞ்சது !
தொடரும்.......... :-
