என் வழி தனி(மை) வழி:-)

உஷ்........... சத்தம் போடாதீங்க.
தனியா உக்காந்து ஆழ்ந்த சிந்தனையில் அப்பப்ப மூழ்கிருவேன். அம்மாதான் கவனிச்சுப் பார்த்து உள்ளே கூட்டிக்கிட்டு வருவாங்க. அது என்ன தனிமைன்றது மனுசங்களுக்கு மட்டுமேன்னு எழுதியா வச்சுருக்கு?

பக்கத்து வீட்டு பூனி, நம்ம வீட்டுக்கு வந்துபோகும் முள்ளி, செடியில் ஒத்தைப்பூவாய்ப் பூத்திருக்கும் மலர், கொடியில் காயும் ஒற்றைத் துணி,
படுக்கையில் தனியா உக்கார்ந்துருக்கும் பொம்மை, காட்டிலே தனியாத் திரியும் மான், இன்னும் சொல்லப்போனா.... அப்பா ஊரில் இல்லாத நேரத்தில் தனியா கணினியில் என்னவோ டொக்டொக்குன்னு அடிச்சுக்கிட்டு, போரடி தாங்காம எழுந்து தோட்டத்தையும் வீட்டையும் சுத்திவரும் அம்மா, தோட்டத்தில் நிற்கும் ஒத்தை மரம் எல்லாமே தனிமையில்தானே இருக்கு.

(யாரடி எந்தன் வாசலில் வந்தது?)

Takahe (NZ)

(கண்ணே கலைமானே)

அதான் தனிச்சு இருக்கும் சிலதைப் படமெடுத்துப் போட்டுருக்காங்க அம்மா.

நானும் நிறையப் படத்துலே இருப்பேன். ஏன்னா நாந்தான் அம்மாவுக்கு (ரோல்)மாடல்:-)

பூனைகள் தனிமை விரும்பிகளாம். தெரியுமா !!!

முதல் படம் பிட் போட்டிக்கு.

மற்றவை வழக்கம்போல் உங்களுக்கேதான்:-)))

(சிங்கத்தைச் சாய்ச்சுப்புடாதீங்கலெ)

நான் ஒளிஞ்சுக்கறேன். யார்கிட்டேயும் காமிச்சுக்கொடுத்துறாதீங்க)