மனக்கோட்டை கட்ட விதிகள் ஏதும் உண்டா?

ஊஹூம்.... விதிகளும் இல்லை. இதற்கு எல்லைகளும் இல்லை. ஈரேழு பதினான்கு உலகங்களும் சுற்றிவந்து, ஒரு நாள் பாற்கடல் கூடப்போய் பார்த்துட்டு வந்தேன்!  ஆனால் மணற் கோட்டை கட்டுவதற்கு ஏகப்பட்ட விதிகள் உண்டு! ஒரு பெரிய  அட்டையில்  விதிகளை அச்சடிச்சு மாட்டி விட்டுருந்தாங்க.

எங்கே?   எல்லாம் எங்க ஊரில்தான்.  சம்மர் முடியுமுன் எல்லாத்தையும்  கொண்டாடி முடிக்கும்  ஆவேசம்.  இன்னும் மூணே வாரம்தான் இருந்தது  அப்போ. போட்டிகள் நடந்தே இப்ப ரெண்டு வாரமாச்சு. எனக்குத்தான் எழுதக் கைவரலை:(

காலை  பத்துமணிக்கு ஆரம்பம்.  நம்ம பெயரைப் பதிவு செஞ்சுக்கிட்டால் போதும்.  வலைமூலமாகவும் பதிவு செஞ்சுக்கலாம். விவரம் ஏற்கெனவே சம்மர் டைம்ஸ் ஈவண்ட் புத்தகத்தில் கொடுத்திருந்தாங்க.  போட்டியில் கலந்துக்கறவங்க  காலை எட்டரைக்கு   கடற்கரையில்  போட்டு வச்சுருக்கும் அலுவலகக் கூடாரத்துக்குப்போயிறனும். அங்கே குறிப்பிட்ட நேரத்துக்குப் போனால்..... விதிமுறைகளைச் சொல்லி  கடற்கரையில்  ஆறுக்கு,  மூணு  மீட்டர் இடம் (6X3) ஒன்னு தருவாங்க.  வரிசையா (விக்கறதுக்கு ) ப்ளாட் போட்டு நம்மூரில் வச்சுருக்காங்க பாருங்க அதைப்போல் வரிசையா ரிப்பன் கட்டி இடம் விட்டுருந்தாங்க. நடுவிலே நடைபாதையா ஒரு  மூணு மீட்டர் அகலம் விட்டுருக்கு.  ஜட்ஜுங்க நடந்து போய்ப் பார்த்து மதிப்பீடு செஞ்சு மார்க் போடணும் இல்லையா?

கோட்டைகளை பகல் ரெண்டு மணிக்கு முடிச்சுடணும். அதன்பிறகு  நீதிபதிகள்  வந்து பார்ப்பாங்க.  அரைமணி நேரம் இதுக்கு.அப்புறம் பரிசளிப்பு  மூணுமுதல் மூணரை.  நாலுமணிக்கு ஆட்டம் க்ளோஸ்!

பரிசுன்னா....  கூடாரம், நாற்காலிகள் , ஸ்லீப்பிங் பேக் இப்படி அவுட் டோர் சமாச்சாரங்கள்தான். கேம்பிங் போகப் பயனாக இருக்கும்.

எங்க கிவியாட்கள்  என்னதான் நல்லவீடு இருந்தாலும்  கோடைக் காலத்தில் முக்கியமா பள்ளி விடுமுறையில்  (கிறிஸ்மஸ், புதுவருசம் முடிஞ்சாட்டு) புள்ளைகுட்டிகளுடன்  வீட்டைவீட்டு எங்காவது காடுகள்,கடற்கரை,ஏரிகள் இப்படி  கேம்பிங் போயிருவாங்க.  புள்ளைகுட்டிகளின் பிடுங்கல் இல்லாமல் காட்டுலே போய் அக்கடான்னு  கிடக்கணும். நகரத்தில் இருந்தால்தானே தினம் அங்கே இங்கேன்னு கூட்டிப்போகணும்.  சமையல், வீட்டுவேலைன்னு ஓய்வே இருக்காதில்லையா?

குடும்பத்தோடு போனால் இந்த வேலைகள் அங்கேயும் இருக்குமேன்னு நினைக்கப்டாது. பிள்ளைகள் அதுகள் பாட்டுக்கு கிடைச்சதை வச்சு விளையாடிக்கிட்டு இருக்கும்.  ரங்க்ஸ் சமைச்சுருவாரு.  சுட்டுத்தின்னால் ஆச்சு இல்லையோ?  இட்லிக்கு அரைக்கணுமா என்ன?

இப்படி நாலுநாள் போயிட்டு வந்தால்தான் நம்ம வீட்டோட அருமை தெரியும் இல்லே?

இந்த மணற்கோட்டைப் போட்டி இப்ப நாலாவது வருசமா நடக்குது. 2012 லே ஆரம்பிச்சது.  எப்படியோ போன வருசம் நாம்போகலை:(   எப்படி விட்டு வச்சேன் தெரியலையே:(   அநேகமாக கோபால் ஊரில் இருந்துருக்க மாட்டாருன்னு நினைக்கிறேன்.

கோட்டை கட்டி முடிச்சபிறகு போய்ப் பார்க்கலாமுன்னு மதியானச் சாப்பாட்டுக்குப்பின் ஆற அமரக் கிளம்பிப்போனோம்.  பட்டத் திருவிழா நடந்த அதே ந்யூப்ரைட்டன் பீச்  இது.  இன்னொரு பீச்சான சம்னரில் ஆர்ப்பாட்டம் ஏதும் இருக்காது.  அடக்கமான  குடும்பப்பொண் அது. ஆரவாரமில்லாமல் இயற்கை அழகோடு இருக்கும். எனக்கு ரொம்பப் பிடிச்சமான பீச்சும் சம்னர்தான்.

வரவர எங்கூர் சனத்துக்கு  'எப்படா கூப்பிடுவாங்க. உடனே போய்ப் பார்க்கலாமே'ன்ற எண்ணம் உடம்பில் ஊறிப்போச்சு.  2011 வருச நிலநடுக்கம்.... மக்கள் மனசை இப்படி மாத்தி வச்சுருக்கு பாருங்க. நிலையாமை!  இன்றைக்குச் செத்தால் இன்றைக்கே பால்!  என்ன வாழ்க்கைடா.... இருக்கும் வரை அனுபவிச்சுட்டுப் போகலாமே!  நாம் மட்டும்  விதிவிலக்கா என்ன? எனக்கு  இதுலே இன்னொரு சுயநலமான பொதுநலமிருக்கே!பதிவுக்கு மேட்டர் தேத்துதல்:-)

பார்க்கிங் கிடைக்காமல் நாலு சுத்து சுத்தினபிறகு  ரெண்டாவது தெருவில் ஒரு இடம் கிடைச்சது. நடந்து போக சோம்பல் பட்டால் வேலைக்கு ஆகாது.  பொடிநடையில் ஒரு பத்து மினிட்.

மணற்கோட்டை என்ற சமாச்சாரத்தின் பொருள் சரியா விளங்கிக்காத  மக்கள். முக்கால்வாசி மணல் சிற்பங்களாக இருந்தன. ஒவ்வொன்னா பார்த்துக்கிட்டே போறோம்.

அப்புறம் தான் தெரிஞ்சது மூணுவகையான முறைகளில்  செஞ்சுக்க விட்டுருக்காங்களாம்.
Castles of Your Mind
Creatures of the Sea
Kiwiana (மவொரி ஆர்ட் சம்பந்தமுள்ளது)

ஓட்டுப்பெட்டிக்கு பதிலா உண்டியல் போல ஒன்னு.  என்னடா இது புதுசான்னு பார்த்தால்.....

அங்கங்கே ஓட்டுக்குக் காசு கொடுத்தால் இங்கு ஓட்டே காசுதானாம்!  பிடிச்சிருக்குன்னால் ஒரு தங்கநாணயத்தை உண்டியலில் போடணுமாம். எங்கூரில் ஒருடாலர், ரெண்டு டாலர் காசுகள் தங்கக்கலரில் இருக்கும்:-)

சேரும் காசெல்லாம் உள்ளூர் தர்மகாரியங்களுக்குப் போகுதுன்னு சொல்றாங்க. இதுலே ஏமாத்து கிடையாது, என்பதே உண்மை. சனம்  சொன்ன பேச்சைக் கேக்குது. கோவில் முன்னால் வரிசையில் உக்கார்ந்திருக்கும் பிச்சைக்காரகளுக்கு  ஒரு ரூபாய் காசை வரிசையாப் போட்டுக்கிட்டுப்போற தர்மவான்கள் போல் இங்கும் சிலர்!

 நிலநடுக்கம் நம்பர் 1  நினைவு (மறக்க முடியலையேப்பா:(

பார்வையாளர் கூட்டம் அதிகம்தான்.  நடுவிலே பாதையில் போறோம் ரெண்டு பக்கமும் பார்த்துக்கிட்டே.  சிற்பிகள்  அவுங்க கட்டத்துக்குள்ளே உக்கார்ந்துருக்காங்க.  வெயிலில்  மணல் காய்ஞ்சு போச்சுன்னா.... அடிக்கும் காற்றில் பறந்து போயிருமேன்னு  கையில்  பாட்டில்களில்  ஸ்ப்ரே கேன் பொருத்தி சிற்பங்களை ஈரமாக்கிக்கிட்டே இருக்காங்க சிலர்.

நம்ம அழகு நமக்குத் தெரியாதா? இதாவது பரிசு வாங்குவதாவது..என்ற தீவிர நம்பிக்கை உடையவர்கள்  சிற்பத்தைச் செஞ்சோமா..... விட்டு வச்சுட்டுப்போனோமான்னு  போயே போயிட்டாங்க.

ஆக்டபுஸ், ஆமை, கடற்கன்னி இது மூணும்தான் ஃபேவரிட் போல. செய்வது சுலபமோ என்னவோ?

க்ரிக்கெட் போட்டி:-)  நாட் அவுட்!

ஒரு சில திமிங்கிலங்கள் அங்கங்கே!

சிப்பிகளால் அலங்கரிச்ச  கச்சணிஞ்ச   கடற்கன்னி! (வருங்கால டிஸைனர் உருவாகிறார்!)

 கேம்பிங் செய்யும் குடும்பம் ஒன்னு.

சில குழந்தைகள்  ஆர்வத்துலே ஆரம்பிச்சுட்டு, அப்புறம் ஒன்னும்பண்ணத் தோணாமல் கொண்டுவந்த பிக்னிக் சாப்பாட்டை முடிச்சுக்கிட்டு  அவுங்க ஏரியாவில்  உக்கார்ந்துருந்தாங்க. (என் கேமராவுக்கு போஸ் கொடுத்துட்டு கை ஆட்டி ஹை சொன்ன  இளம் போட்டியாளர்  )எப்படியும் ரெண்டரை வரை அவுங்க இருந்தாகணும் தானே?   அவுங்களுக்குத் துணையா அப்பாம்மாக்களும்  ......

கோட்டையை வரைஞ்சுக்கிட்டு இருந்தாங்க ரெண்டு பேர்.

அங்கே போக கார் வேணாமா?  இந்தப்பக்கமொரு சிறுவன் வண்டி தயார்பண்ணிக்கிட்டு இருந்தான்:-)

எல்லாத்தையும் பார்த்து க்ளிக்கிட்டு பீச்சின் வாசப்பக்கம்(!) வந்தால்

 மணற்கோட்டை கட்டும் நிபுணர்  வேற  நாட்டில் இருந்து வந்தவர் , (  ப்ரூஸ் ஃபிலிப்ஸ்  ஃப்ரம் அமெரிக்கா)  பாஸ்கெட்பால் கோர்ட்டில்  உண்மையாகவே கோட்டை கட்டிக்கிட்டு இருந்தார்.

இன்னொரு நிபுணரும் ட்ராகன் செஞ்சு வச்சுருக்கார். சீனராக இருக்கணும். ட்ராகனுக்கு  கடைசிக்கட்டவேலைகள் நடந்துக்கிட்டு இருந்துச்சு.

கடமை முடிச்ச திருப்தியில் வீடு வந்தோம்.

போட்டியில் வென்ற இரண்டுமே ஆக்டபுஸுக்கள்தான்.

சும்மாச் சொல்லக்கூடாது.....  எங்க சிட்டிக் கவுன்ஸில், நகர  மக்கள்  கோடைகாலத்தைக் கொண்டாடட்டுமேன்னு மெனெக்கெடுதுதான்.
 எங்க சம்மர் முடிய இன்னும் ஒன்பது நாட்கள்  மட்டுமே! போனால் வராதே இன்னும் ஒரு வருசத்துக்கு:(

சரி. நான் போய் இட்லிக்கு அரைச்சுட்டு வர்றேன்:-)