சண்டி அழைக்கிறாள்.......

நவராத்திரிக்குச் சண்டிகர் நகரின் புதிய சண்டியே அழைக்கும்போது போகாமலிருக்க முடியுமா? பேசாமக் கிளம்பி வாங்க.

இந்த வருசமும் மூணுபடின்னு சொன்னப்ப ரூபாய்க்கான்னு கேட்டுட்டார் ஒரு பதிவுலக நண்பர். உடனே நினைச்ச மூணை அஞ்சாக்கிட்டேன்.
பிரமாத அலங்காரம் ஒன்னும் இல்லை வழக்கம்போல! முதல் படி மரப்பாச்சியில் ஆவாஹனம் செய்த தாயார் பெருமாள். குழலூதும் கண்ணன். அவனுக்கு ஒரு வெண்ணைக்குடம் புதுசு. உடுப்பி சமாச்சாரம். த்வார்க்காவிலிருந்து குழந்தைக் கண்ணன். பச்சைப்பிள்ளையார் தாய்லாந்து திருப்பதி பெருமாளின் தங்க விமானம், கலசம் சி.செவில் வாங்குனது.
ரெண்டாவதிலும் பெரும் ஆட்கள். கூடவே ஒரு புத்தர். அவருக்கு முன்னால் தாமரையை வச்சுட்டேன். அதைப் பார்த்துக்கிட்டே அவர் தியானம் செய்யட்டும். குகனின் உதவியுடன் படகில் கங்கையைக் கடக்கும் ராமலக்ஷ்மணர்களும் சீதையும். இன்னொரு குட்டிப்படகில் ஃப்ளோட்டிங் மார்கெட் பழ வியாபாரம்.
மூணாவது, சுத்தப்போன இடங்களில் கொலுவைச் சாக்கா வச்சு வாங்குனது. 'பலேபலே பலேபலே பல்லே' அம்ரித்ஸர். நடனமாடும் காந்தருவனும் காந்தருவியும்(!) பக்கத்துலே நிக்கும் அப்சராவும் தாய்லாந்து. அடுக்களைச் சாமான்கள் அம்மி,உரல்,ஆட்டுக்கல் தக்ஷின்சித்ரா.
நாலாவது யானைகள். புதுசா ஒரு ஒட்டகம் துபாய் சரக்கு.

அஞ்சாவது பூனைகள், துளசிதளத்தைச்சுற்றி:-)


பதிவுலகத் தோழிகளின் அன்பளிப்புகள் எல்லாம் யானை உருவில் அங்கங்கே எல்லாப் படிகளிலும் விரவி நிக்குது. மற்ற பொம்மைகள் எல்லாம் முந்தையக் கொலுக்களில் இருந்ததேதான்.

இன்றைய ஸ்பெஷல் வெள்ளைக் காராமணி சுண்டலும் கப்பக்கிழங்குப் புட்டும்.

முடிஞ்சவரை கொலு அலங்கரிச்சாச்சு. பெரிய பெரிய எழுத்தாளர்கள் எல்லாம் ஏற்கனவே வந்து கொலுவில் மறைவா இருக்காங்க:-)


படிகள் 'அமைக்க' உதவி செஞ்ச கோபாலுக்கு நன்றி.


பதிவுலக நண்பர்களையும், வாசகர்களையும் சண்டியின் கொலுவுக்கு மனம் நிறைந்த அன்போடு அழைக்கிறேன்.

வாங்க எல்லோரும்.

என்றும் அன்புடன்,
துளசி

PIN குறிப்பு: சுண்டல் & புட்டுவின் படம்