ஜம்மு காஷ்மீரில் சென்னை? !!!!!

காலையிலே ஃபோன் அடிக்குது! நம்ம ட்ராவல் ஏஜண்ட் ஆஃபீஸில் இருந்து. புது ஆளு வேலைக்கு
வந்திருக்கு போல.


" சென்னை இருக்கறது ஜம்மு காஷ்மீரிலா?"

இது என்னடா புது விஷயமா இருக்கே!

சரி. ஆமான்னு சொல்லிப் பார்ப்போம்.

" ஆமாம். ஏன் கேக்கறீங்க?"

" மிஸ்டர் கோபால் சென்னைக்கு டிக்கெட் புக் செஞ்சிருக்காரே. அது டெர்ரரிஸ்ட் ஏரியான்னு
எங்களுக்கு விவரம் (!) இருக்கறதாலே அதுக்குத் தனியா ஒரு இன்ஷூரன்ஸ் எடுத்துக்கணும். அதுக்குத்
தான் இப்ப உங்களை இவ்வளவு காலையிலே கூப்பிடவேண்டியதாப் போச்சு!

நல்லாத்தான் விவரமா இருக்காங்க! எனக்குத்தான் தலையிலே அடிச்சுக்க ரெண்டுகை பத்தாது!

" சென்னையிலே ஆபத்து ஏதும் கிடையாது. அது இருக்கறது டீப் செளத். அதுக்கும் காஷ்மீருக்கும்
ரொம்ப தூரம். இன்ஷூரன்ஸ் வேணும்ன்னா அப்புறமா நானே ஃபோன் செய்யறேன். சரியா?

அங்கே உங்க ஆஃபீஸிலே ஒரு சுவர் முழுக்க இந்தக்கோடியிலே இருந்து அந்தக் கோடிவரை ஒரு
பெரிய உலக வரைபடம் இருக்கே. அதை ஒரு நாளு நேரம் இருக்கறப்பப் பாக்கலாமில்லே?...

இப்படிக் கேக்க ஆசையாத்தான் இருக்கு! ம்ம்ம்ம்ம்ம்ம்ம்....

ஆனா நான் சொன்னது 'ஹேவ் அ நைஸ்டே!'