கையிலே காசு வாயிலே தோசை

சரியாத்தான் சொல்லிவச்சுட்டுப் போயிருக்காங்க. சட்டைப்பையில் 500 ரூபாய் இருக்கான்னு முதல்லே பார்த்துக்கிட்டு அப்புறமா உள்ளே காலடி எடுத்து வையுங்க. நுழைஞ்சதுக்குப்பிறகு' நீ ஏன் மொதல்லேயே சொல்லலை'ன்னுக் கத்தப்பிடாது.

டில்லி மாநகரில் இருக்கும் ஏராளமான மால்களில் குர்காவ்(ன்)லே இருக்கும் ஆம்பியன்ஸ் மால். ஃபுட் கோர்ட் இருக்கே, எதாவது சாப்புடலாமேன்னு உள்ளே நுழையறோம். நேராப்போய் கடையில் நின்னமா வாங்குனமா தின்னமான்னு வேலை முடியாது. முதல்லே ஒரு 500 ரூபாயைக் கொடுத்து ஒரு டோக்கன்(கார்டு) வாங்கிக்கணுமாம். அதுக்கப்புறம் பிடிச்ச உணவை விற்கும் கடையில் மெனுவை செலக்ட் செஞ்சுட்டு இந்தக் கார்டைக் கொடுத்தால் ஒரு தேய்ப்பு தேச்சு அதுக்குண்டான விலை கழிக்கப்படும். இப்படியே அங்கங்கே சாப்பிட எதுவேணுமானாலும் வாங்கிக்கலாம். கார்டில் போதுமான காசு இல்லைன்னா? திருப்பி ஒரு 500க்கு நிரப்பிக்கணும். ஏன் எதுக்குன்னு கேள்வியே கேட்டுறக்கூடாது. வெளியே வரும்போது தேய்ச்சுப் பார்த்து மீதிக்காசு இருந்தால்(!!) கொடுத்துருவாங்களாம்.

பழகுன கண்ணுக்குப் 'பட்' எனத் தெரியுது தோசைக்கடை!

ஒரு மூணு பேர் தின்ன ஐநூறே அதிகமுன்னு நினைச்சீங்க...... அம்புட்டுத்தான்....(-:

தோசையம்மா தோசை,
நெய்யில் சுட்ட தோசை
அரிசிமாவும் உளுத்தமாவும்
கலந்து சுட்ட தோசை

பாடிக்கிட்டே மெனுவைப் பார்த்தால்......

(நமக்கு எப்பவும் வலப்பக்கம் பார்க்கத்தாங்க தெரியும்)

159 முதல் ஆரம்பிச்சு அப்படியே 65 வரை இறங்கிவருது. குழந்தைகளுக்கான ஸ்பெஷல் 99 & 95

நளதமயந்தியில் மாதவன் சொல்வது,
இதுலே தக்காளி சேர்த்தால் தக்காளி தோசையாக்கும்
புதினா சேர்த்தால் புதினா தோசையாக்கும்:-)

அப்ப டொமாட்டோ &சில்லீஸ் சேர்த்தால் டொம்சீ டோஸா!

தோசை....எத்தனை.... தோசையடி!
படத்தைப் பெரிதாக்கிப் பார்த்துப் புரிந்து (வயிறு எரிந்து) கொள்ளலாம்.....
தமிழ்நாட்டுத் தோசையை எப்படியெல்லாம் நாசம் செய்யணுமோ அப்படியெல்லாம் செஞ்சு வெரைய்ட்டி காமிச்சுட்டான்யா...... வெரைய்ட்டி காமிச்சுட்டான்.

இனிமேல் தோசை சாதாரணக்காரர்களுக்கான உணவு இல்லை(-:

அதுக்காக டில்லிக்குப் போனால் தோசையே சாப்புட முடியாதா?

கூல் டவுன்...... ... கூல் டவுன்......ஏன் முடியாது?

முத்துலெட்சுமி கயல்விழி வீடு எங்கேன்னு விசாரிச்சு வச்சுக்குங்க.