நரியின் வேஷம் கலைஞ்சுபோச்சு டும் டும் டும்.....

இன்னிக்குக் காலையில் கணினி திறந்ததும் கூகுள் அருளால் முகத்தில் முகம் பார்க்கலாமுன்னு போட்டுருந்துச்சு.

அவுங்க சொல்பேச்சைக் கேட்டு உடனே அதைப் பதிஞ்சுவச்சாச்சு. இப்ப நம்ம பெயருக்கு முன்னால் ஒரு வீடியோ கெமெரா வருது:-))))

பரிசோதிக்கணுமேன்னு நினைச்சப்ப..... நம்ம மயூரேசன் ஒரு பதிவு போட்டுருந்தார். அதுக்குப்பிறகு நானும் அவர்கூடப் பேசி ரிப்பன் கட் பண்ணலாமுன்னு நினைச்சால்.....

ஐயகோ...... நம்ம முகம் மட்டுமே மிரட்டும் விதத்தில் தெரியுது!!!!
அடடா...... அதுவும்......என்ன ஏதுன்னு புரியாம முழிக்கும் விதத்தில்.......

ஆஹா...... வண்டவாளமெல்லாம் தண்டவாளம் ஏறிடுமோ? இனிமேல் கணினியில் கண் திறப்பது அறவே கூடாது.

மேக்கப், அட்லீஸ்ட் தலையைச் சீவி(?)க்கிட்டாவது வந்து உக்காரணும்.


இன்னும் சரியா செட்டிங் செய்யலைபோல இருக்கு. அவுங்கவுங்க முகமே அவுங்கவுங்களுக்கு :-))))முந்திரிக்கொட்டை போல முந்திக்கிட்டா இப்படித்தான். மயூரேசனும்..... மனக்கலக்கத்தோட இருந்தாராம்.
(நல்லவேளை)

முகம் காமிக்காமல் பேசும் ஆப்ஷனும் இருக்கா? இல்லே இல்லையா?

ஏதானாலும் இனிமே.......

அலங்காரச் சாதனங்கள் விற்பனையை ஏத்திவிடத்தான் கூகுள் ஏற்பாடு செஞ்சுருக்கோன்னு ஒரு சம்சயம்.


பி.கு: இது 800 வது பதிவுன்னு சொல்லுது, ப்லொக்ஸ்பாட்.