சவுண்டான சவுண்டு இங்கே:-)

மார்ல்பரோ சவுண்டுக்குப் போலாமா? இங்கேதான் தெற்குத்தீவின் வடகிழக்கு மூலையில் இருக்கு. போறவழியில் எங்கே பார்த்தாலும் திராட்சைத் தோட்டங்கள்தான். 'குடி' ஒரு பெரிய வியாபாரம்.

மலைகளை ஒட்டிய பள்ளத்தாக்குகளில் கடல் உள்ளே வந்து நிரம்பி இருக்கு. திட்டுத்திட்டாக் குட்டிக்குட்டி இடங்கள். தீவுன்னு சொல்லிக்கலாம்.
கடலிலும் கூட்டம் கூட்டமா டால்பின். இந்தப் பகுதியில் மூணு இடங்கள் ரொம்பப் பேர் வாங்கியிருக்கு.

The Queen Charlotte Sound

Kenepuru Sound

Pelorus Sound

சுற்றுலாப் பயணிகள் இங்கே வாடகைக்குப் படகு எடுத்துக்கிட்டு நீ(ஊ)ர் சுத்தலாம். நடக்கறதுக்காகவே நிறையப்பேர் போறாங்களாம்.மலைவழிப் பாதையில் சரிஞ்சு, ஏறின்னு போகணும். ஆச்சரியங்களை எதிர்நோக்கத் தயாரா இருந்தீங்கன்னா இது உங்களுக்கான இடம்.(எதிர்பாராமக் கிடைச்சாத்தான் ஆச்சரியமுன்னு யாரும் சவுண்டு விட வேணாம்.)

ஏற்கெனவே கூட்டம் குறைச்சல். இந்த அழகில் இங்கே இன்னும் சுத்தம். பேசக்கூட ஆள் இருக்காது...... அப்புறம் எங்கே சத்தம்?. நெருங்கிய நண்பர் இப்பத்தான் போன வாரம் (ஈஸ்டர் விடுமுறை) போய்வந்தார். புகைப்படக்கலையில் ஆர்வம் அதிகம் இருப்பவர். அவர் எடுத்த படங்களைத்தான் உங்க பார்வைக்கு வச்சுருக்கேன். சூரிய உதயம் அருமையா இருக்கு.

கூகுளிச்சுப் பார்த்தால் கொட்டிக்கிடக்கு இங்கே:-)

இதே போல இந்தத் தெற்குத்தீவின் தென்மேற்குப் பகுதியிலும் Milford sound, Doubtful Sound ன்னு எக்கச்சக்க சவுண்டுகள். இதைப்பத்திச் சவுண்டு விட இன்னொருத்தரை ஏற்பாடு செஞ்சுருக்கேன்:-)))))

ஆமாம்.....சத்தமே இல்லாத இடத்துக்கு எதுக்கு சவுண்டுன்னு பெயர் வச்சுருக்காங்க? ஒருவேளை அப்படிச் சொல்லிப் பார்த்தாலாவது கொஞ்சம் சத்தம் வருமேன்னா?