புத்தகத் திருவிழாவில் வாங்** புத்தகங்கள் !

இன்னிக்குத்தான் கடைசி நாளாம்லெ!   மக்கள்ஸ்  ஓடியோடி புத்தகங்கள் வாங்கிக்குவிச்சுக்கிட்டு  இருக்காங்க.  பதிவுகளும் படங்களும், ஃபேஸ்புக் ஸ்டேடஸுமா ஒரே கலக்கல்.

நிறைய பதிவர்களின் புத்தகங்களும் வெளிவந்திருக்கு!  அனைவருக்கும் மனம் நிறைந்த இனிய வாழ்த்து(க்)கள்.

பதிவுலகம்  என்று ஒன்று வந்த பின்   எழுத்தாளர் என்ற பிம்பம் உடைபட்டுப்போச்சுன்னுதான் சொல்லணும்.  அந்தக் காலத்துலே  வாராந்தரிகளில்  சிறுகதை எழுதுபவர்களையும், தொடர் எழுதுபவர்களையும்  'ஆ'ன்னு வாய் பிளந்து  பார்த்து நின்ற நினைவு!  இப்ப எல்லோரும் நம்மக்கள் ஆயாச்சு.  ரொம்ப நல்ல சமாச்சாரம்.

இந்த முறை திருவிழா நகரத்துக்குள்ளே,  தெருக்களுக்குப்  பெயர்கள் எல்லாம் வச்சுருக்காங்க.   பார்க்கவே  கம்பீரமா இருக்கு!

இது முப்பத்தியெட்டாம் புத்தகத் திருவிழா ! இதை ஏன் புத்தகக் கண்காட்சின்னு சொல்றாங்கன்னு தெரியலை:(  ஒருவேளை அப்பளம்(மட்டும்)  வாங்கித் தின்னவே போகும்  மக்களுக்கான  சொல்லாடலோ!!

இந்த முறை குழந்தைகளுக்கான  புத்தகங்கள் நிறைய வந்துருக்கு.  நம்ம விழியன்  (இல்லே உமாநாத்தோ?) ஏகப்பட்டவைகளை எழுதிக் குவிச்சு முன்னணியில் நிக்கறார். அவருக்கு பதிவுலக நண்பர்கள்/அன்பர்கள் சார்பில்  நம் வாழ்த்துகளை இங்கே  பதிவு செய்கின்றோம்.


 என் புத்தகப் பட்டியல் இதோ!

காசு கொடுத்து வாங்கியவை: 


கிருஷ்ணப்ப நாயக்கர் கௌமுதி :  நாகரத்தினம் கிருஷ்ணா

சன்னலொட்டி அமரும் குருவிகள்  :   நாகரத்தினம் கிருஷ்ணா

புத்ர :  லா ச ர

கல் சிரிக்கிறது  : லா ச ர

ஓநாய் குலச்சின்னம் (மொழிபெயர்ப்பு) சி. மோகன்

விந்தைக் கலைஞனின் உருவச்சித்திரம்  : சி மோகன் (சுஜாதா விருது 2014)

ஆரண்யநிவாஸ்  :  ஆர் ராமமூர்த்தி

சரிதாயணம் :  பாலகணேஷ்

ஒரு நடுப்பகல் மரணம் :  சுஜாதா

கரையெல்லாம் செண்பகப்பூ  :  சுஜாதா

ஆதலினால் காதல் செய்வீர்    :  சுஜாதா

பிரதாப முதலியார் சரித்திரம் : மாயூரம் வேதநாயகம் பிள்ளை

உடல்நலம் உங்கள் கையில் :   Dr. J  Jayalakshmi    &  Dr. C G. Srilakshmi

Finger Tips :  Dr. J  Jayalakshmi    &  Dr. C G. Srilakshmi

Acupressure for good health:   Dr. J  Jayalakshmi    &  Dr. C G. Srilakshmi

health is in your hands  :  Dr. J  Jayalakshmi    &  Dr. C G. Srilakshmi

ஆரோக்கிய வாழ்வுக்கு 55 ஆசனங்கள்  : ஜெகாதா

 பரிசாகக்  கிடைத்தவை :-)

வாழ்வின் விளிம்பில் : ஜி எம் பாலசுப்ரமணியம்

அடைமழை:   ராமலக்ஷ்மி

இலைகள் பழுக்காத உலகம்:   ராமலக்ஷ்மி

துலக்கம் :  பாலபாரதி

ஆவி தீபாவளிமலர் (2014) : ராமசந்திரன் உஷா

காலம்  :  கவிதாயினி மதுமிதா

நல்லா எழுதுங்க நல்லதையே எழுதுங்க : வழக்குரைஞர் பி ஆர்  ஜெயராஜன்

காற்றின் சிற்பங்கள்  :

மலர்மஞ்சம்  : தி.ஜானகிராமன்  ( வல்லியம்மா)

மற்றும் சில கோவில்களின் தலபுராணங்கள். (பின்னே பதிவுக்கு எப்படி மேட்டர் தேத்துவதாம்?)

புத்தகத்திருவிழாவுக்குப்போகமுடியலையே என்ற குறை நம்ம மக்கள்ஸின்  பதிவுகளால்  ஓரளவு தீர்ந்தாலும்..... மீதிக்குறையை  நீக்க,............  திருவிழாப் படங்களைப் பார்த்துக்கிட்டு இருக்கேன். எல்லாம் போன வருசம் எடுத்தவை:-))))

அனைவருக்கும் அன்புடன்........
துளசி கோபால்.